حکومت نے بجٹ میں ہسپتال اور نکاسی آب کیلئے ایک روپے کا فنڈ بھی جاری نہیں کیا۔خالد محمود ڈوگر

بورے والا(تحصیل رپورٹر)مسلم لیگ(ن) کے ایم پی اے سردار خالد محمود ڈوگر نے کہا ہے کہ مسلم لیگ(ن) کے دور میں 60 بیڈ سے 160 بیڈ تک اپ گریڈ ہونے والے ٹی ایچ کیو ہسپتال کیلئے گذشتہ دو سالوں میں ایک پیسہ بھی نہیں رکھا گیا 60 بیڈ کے فنڈز میں 160 بیڈ کا ”اپ گریڈ“ ہسپتال چلانا ناممکن ہو چکا ہے ہسپتال میں ڈاکٹرز،پیرا میڈیکل سٹاف اور بلڈنگ تو موجود ہے لیکن اس میں آنے والے مریضوں کو طبی سہولتیں فراہم کرنے کیلئے بجٹ میں فنڈز نہیں رکھے گئے جبکہ گزشتہ دور حکومت میں 36 کروڑ روپے کی لاگت کے شروع ہونے والے نکاسی آب کے منصوبہ کیلئے مسلم لیگ(ن) کے دور حکومت میں جاری ہونے والے 24 کروڑ روپے کے بعد گذشتہ دو سالوں کے بجٹ میں ایک پائی بھی نہیں رکھی گئی شہر میں نکاسی آب کی صورتحال انتہائی بدتر ہو چکی ہے ان جاری دونوں منصوبوں کیلئے حکومت فوری طور پر فنڈز جاری کرے،ان خیالات کا اظہار انہوں نے گزشتہ روز پنجاب اسمبلی کے اجلاس سے خطاب کرتے ہوئے کیا انہوں نے اپنے خطاب میں بتایا کہ حکومت ”کورونا وائرس“ پر قابو پانے اور سرکاری ہسپتالوں میں وینٹی لیٹر کی فراہمی کا جو واویلا کرتی آ رہی ہے اسکی ایک افسوس ناک مثال یہ کہ گزشتہ دنوں بورے والا کے ایک محنت کش نور حسن کو ”کورونا وائرس“ کی وجہ سے تشویشناک حالت میں ڈی ایچ کیو ہسپتال وہاڑی منتقل کیا گیا جہاں وینٹی لیٹر تو موجود تھا لیکن اسکا آپریٹر نہ ہونے کی وجہ سے کورونا کا مریض جان سے ہاتھ دھو بیٹھا حکومت اپوزیشن سے تو اس بات کی متقاضی ہے کہ ”کورونا وائرس“ کے خلاف اپوزیشن حکومت کا ساتھ دے لیکن حکومت عملی طور پر اپوزیشن کو ساتھ لیکر چلنے کی متقاضی نظر نہیں آتی بجٹ کی تیاری ہو یا کوئی بھی ملکی ایشو ہو اپوزیشن کو آن بورڈ نہ لینا حکومت کی بد دیانتی ظاہر کرتا ہے۔