موجودہ حکمران تبدیلی کے نام پر ملک کو تباہی کے دہانے پر لے آئے ہیں۔کامران گھمن
بورے والا(چوہدری اصغر علی جاوید سے)پاکستان پیپلز پارٹی کے مرکزی راہنما و سابق امیدوار این اے 162 چوہدری کامران یوسف گھمن نے کہا ہے کہ حکومت کا پیش کردہ وفاقی اور صوبائی بجٹ عوام دشمن ہے حکومت نے سرکاری ملازمین کی تنخواہیں نہ بڑھا کر ظلم کیا ہے اس بجٹ سے ملک میں مہنگائی کا ایک اور طوفان آئے گا،ہماری قیادت تو بجٹ کو پہلے ہی مسترد کر چکی ہے یہ ناقابل اعتبار لوگوں کا گروہ ہے یہ جو بھی وعدہ عوام سے کرتے ہیں اس کے بالکل برعکس جاتے ہیں،سال بھر میں مزید کئی منی بجٹ آئیں گے،ان خیالات کا اظہار انہوں نے گزشتہ روز اپنے آفس میں فون پر فرانس سے گفتگو کرتے ہوئے کیا اس موقع پر سینئر نائب صدر تحصیل چوہدری نعمان رشید آرائیں،سٹی صدر حاجی عنایت اللہ وسیئر،سینئر نائب صدر سٹی سلیم قریشی،غلام حیدر جٹ،میڈم شہناز،صدیق بھلر،محمود علی بھٹی،جمیل طور قلندری،میاں محمد امین،ڈپٹی شوکت مرزا،اکرم ٹکا،ملک صغیر اور دیگر بھی موجود تھے انہوں نے کہا کہ موجودہ حکمران ملک کو تبدیلی کے نام پر تباہی کے دہانے پہ لے گئے ہیں حکومت کی انہی وعدہ خلافیوں اور ناعاقبت اندیشیوں کی وجہ سے ان کے اتحادیوں بلوچستان نیشنل پارٹی مینگل گروپ کے صدر سردار اختر مینگل نے ان سے علیحدگی کا اعلان کر دیا ہے اور مزید اتحادی بھی جلد خدا حافظ کہنے کی تیاریاں کر رہے ہیں چوہدری کامران یوسف گھمن نے وزیر اعلی سندھ سید مراد علی شاہ کو ایک متوازن بجٹ پیش کرنے اور خصوصاََ سرکاری ملازمین کی تنخواہیں بڑھا نے پر خراج تحسین پیش کیا۔
About Author
