بورے والا میں تین ڈاکٹرز سمیت مزید 13 افراد میں کورونا وائرس کی تصدیق،تعداد 56 ہو گئی

بورے والا(چوہدری اصغر علی جاوید سے)شہر اور گردونواح میں ”کورونا وائرس“ کے پھیلاﺅ میں غیر معمولی اضافہ،3 ڈاکٹرز سمیت مزید 13 افراد میں ”کورونا وائرس“ کی تصدیق،احتیاطی تدابیر اختیار کرنے میں مقامی لوگوں کی غیر سنجیدگی اور بے حسی برقرار،محکمہ صحت کے جاری کردہ اعدادو شمار کے مطابق بورے والا شہر اور اسکے گردونواح میں ”کورونا وائرس“ تیزی سے پھیل رہا ہے گذشتہ روز کے رزلٹ کے مطابق بورے والا کے تین ڈاکٹروں سمیت مزید 13 افراد میں ”کورونا وائرس“ کی تصدیق کے بعد تعداد 56 ہو گئی ہے جن میں سے دو متاثرہ مریض ٹی ایچ کیو ہسپتال بورے والا جبکہ 54 افراد گھروں کے اندر ہی آئیسولیٹ ہیں جنکی نگرانی محکمہ صحت کا عملہ کر رہا ہے ”کورونا وائرس“ کی تعداد میں مقامی سطح پر غیر معمولی اضافہ اور اسکے پھیلاﺅ کی بنیادی وجہ عوام کی غیر سنجیدگی،غیر ذمہ دارانہ رویہ،غیر ضروری گھروں سے باہر نکلنا،کورونا سے بچاﺅ کی احتیاطی تدابیر اور ایس او پیز پر عمل نہ کرنا ہے سماجی فاصلوں کی پرواہ کئے بغیر شہر،عوامی مقامات اور خریداری مراکز پر رش خطرے کی گھنٹی ہے محکمہ صحت نے عوام سے اپیل کی ہے غیر ضروری طور پر گھروں سے باہر نہ نکلیں اور تمام تر احتیاطی تدابیر پر عمل کر کے اس وباء کے پھیلاﺅ کو روکنے میں حکومت کا ساتھ دیں۔