ایس ایچ او سٹی کی تھانے میں پٹواری کو غلیظ گالیاں،الزام غلط ہے۔ایس ایچ او کا موقف

بورے والا(چوہدری اصغر علی جاوید سے)ایس ایچ او تھانہ سٹی کی تھانے میں شہری پٹواری سمیت متعدد شہریوں کو غلیظ گالیاں،تھانہ شریفوں کیلئے خوف کی علامت بن گیا،پٹواری سے بلاجواز بدتمیزی اور گالیاں دیکر تھانے سے باہر نکالنے کے خلاف انجمن پٹواریوں کا شدید احتجاج،ایس ایچ او نے خود کو وزیر اعلیٰ پنجاب کا قریبی دوست ظاہر کر کے شہریوں کی تذلیل کرنا معمول بنا لیا ہے،ڈی پی او وہاڑی سے فوری نوٹس لینے کا مطالبہ،پٹواری تھانے میں جواریوں کو چھڑانے آیا تھا،جواری نہ چھوڑنے پر دھمکیاں دیکر چلا گیا میرے خلاف جھوٹا پروپیگنڈہ کیا گیا ہے،ایس ایچ او کا موقف،تفصیلات کے مطابق شہری پٹواری طاہر نذیر بھٹی نے میڈیا کے نمائندوں کو بتایا کہ وہ تھانہ سٹی میں تعینات انچارج انوسٹی گیشن ملک سعید احمد لنگڑیال سے کسی کام کے سلسلہ میں ملنے گیا تو ایس ایچ او تھانہ سٹی ظہور احمد چھینہ تھانے میں پہلے سے کھڑے چند افراد کو گالیاں دے رہا تھا مجھے دیکھ کر پوچھا کہ تم کون ہو میں نے اپنا تعارف کروایا لیکن اس نے کہا کہ پٹواری ہو تو کیا ہوا تھانے سے باہر نکل جاﺅ میرے استفسار پر اس نے غلیظ گالیاں دیتے ہوئے تھانے سے باہر نکال دیا جو کہ سراسر اسکی زیادتی ہے جبکہ ایس ایچ او مذکورہ جب سے اس تھانے میں تعینات ہوئے ہیں شریف شہریوں کی بے عزتی کرنا معمول بنایا ہوا ہے اور تھانے میں چنگیز خان کا کردار ادا کر رہا ہے اور خود کو وزیر اعلیٰ پنجاب کا قریبی دوست بھی ظاہر کرتا ہے جسکی وجہ سے تھانہ سٹی شریف شہریوں کیلئے خوف کی علامت بن چکا ہے شہری پٹواری کے ساتھ ایس ایچ او کی اس بلاجواز بدتمیزی اور اختیارات کے ناجائز استعمال پر انجمن پٹواریوں تحصیل بورے والا نے شدید احتجاج کرتے ہوئے ڈی پی او وہاڑی سے فوری نوٹس لینے اور انکے خلاف محکمانہ کاروائی کا مطالبہ کیا ہے اگر سوموار تک ایس ایچ کو تبدیل کر کے انکوائری نہ کی گئی تو ضلع بھر میں پٹواری احتجاج پر مجبور ہوںگے بعدازاں اس سلسلہ میں ایس ایچ او تھانہ سٹی ظہور احمد چھینہ کا موقف ہے کہ میرے خلاف جھوٹا اور بے بنیاد پروپیگنڈا کیا جا رہا ہے طاہر نذیر بھٹی جوئے بازوں کو چھڑانے کیلئے تھانہ سٹی میرے پاس آیا اور کہا کہ اشفاق اور عرفان علوی کو چھوڑ دو میرے دوست ہیں انکے خلاف جوئے کا مقد مہ درج نہ کرو جس پر ایس ایچ او سٹی نے کہا کہ قانون کے مطابق کاروائی ہو گی گرفتار اکیس افراد ”کبوتر بازی“ پر جوا کھیل رہے تھے اور ستاسٹھ ہزار روپے داﺅ پر لگا رکھے تھے انکے خلاف مقدمہ درج ہو رہا ہے جس پر طاہر نذیر پٹواری سیخ پا ہو گیا اور کہتا کہ تم مجھے نہیں جانتے کہ میں شہر کا پٹواری ہوں اشفاق اور عرفان علوی کو فوری چھوڑ دو میرے انکار پر مجھے سنگین نتائج کی دھمکیاں دینے لگا مزید کہا کہ دیکھتا ہوں تم کیسے نوکری کرتے ہو ایس ایچ او کا کہنا ہے کہ تھانہ بدمعا شوں کیلئے دارالحساب اور شرفاء کیلئے دارالامان ہے میرا گناہ یہ ہے کہ میں نے جوئے کے ملزم نہیں چھوڑے کسی بھی شہری سے نازیبا الفاظ میں گفتگو کرنے کا سوچ بھی نہیں سکتا طاہر نذیز پٹواری جوئے بازوں کو چھڑوانے آیا تھا نہ چھوڑنے پر من گھڑت اور بے بنیاد الزامات لگا رہا ہے بورے والا شہریوں کی عزت نفس کا خیال رکھنا ہماری اولین ترجیح ہے۔