کورونا کے ساتھ ساتھ ڈاکوؤں کے وار بھی جاری،30 منٹ میں 4 وارداتوں میں لاکھوں لوٹ لئے گئے
بورے والا(چوہدری اصغر علی جاوید سے)شہر میں پھر ڈاکو راج قائم،30 منٹ میں چار وارداتوں نے شہریوں کے اوسان خطا کر دیئے،دو موٹر سائیکل سوار مسلح ڈاکوﺅں نے دو میڈیکل سٹوروں،ایک بیکری اور ایک کپڑے کی دوکان سے لاکھوں روپے نقدی،خاتون سے طلائی زیورات اور موبائل لوٹ کر رفو چکر ہو گئے،شہریوں میں خوف و ہراس پھیل گیا،تفصیلات کے مطابق گزشتہ شب دو نامعلوم مسلح نقاب پوش موٹر سائیکل سوار ڈاکوﺅں نے 30 منٹ میں برق رفتاری سے شہر کے مصروف ترین علاقوں میں چار ڈکیتیوں کے ذریعے شہریوں کے اوسان خطا کر دیئے ڈاکو سب سے پہلے ہسپتال روڈ پر واقع حیات میڈیکل سٹور میں داخل ہوئے جہاں مالک اور گاہکوں سے 60 ہزار سے زائد نقدی لوٹنے کے بعد سامنے واقع تابش میڈیکل سٹور میں داخل ہوئے اور سٹور کے مالک سے 80 ہزار نقدی کے علاوہ وہاں دوائی لینے کیلئے آنے والی خاتون سے گن پوائنٹ پر اسکے 6 تولہ کے طلائی کنگن چھین کر فرار ہو گئے ڈاکو یہاں سے ریل بازار میں واقع کپڑے کے تاجر شہزاد شاہ سے 45 ہزار روپے نقدی جبکہ اسکے بعد ڈاکوﺅں نے 505 (ای بی) روڈ پر واقع ایک بیکری سے بھی گن پوائنٹ کر 50 ہزار سے زائد نقدی لوٹ کر فرار ہو گئے چار وارداتوں کے بعد شہریوں میں خوف کی فضاء طاری ہو گئی وارداتوں کے بعد تھانہ سٹی اور ماڈل ٹاﺅن کی پولیس نے موقع پر پہنچ کر ملزمان کی تلاش شروع کر دی دریں اثناء ترجمان ڈسٹرکٹ پولیس کے مطابق جن دوکانوں پر وارداتیں ہوئی ہیں ان میں سے کسی ایک دوکان پر نیشنل ایکشن پلان کے تحت سیکورٹی گارڈ موجود نہیں تھا جو کہ دوکانداروں کی غیر ذمہ داری ہے۔
About Author
