بورے والا میں پٹرولیم مصنوعات کی شدید قلت پیدا،پٹرول نایاب،100 روپے بلیک میں فروخت
بورے والا(چوہدری اصغر علی جاوید سے)ملک میں پیٹرولیم مصنوعات کی قیمتوں میں کمی کے بعد بیشتر پرائیویٹ آئل کمپنیوں کے پاس تیل کا ذخیرہ نہ ہونے کی وجہ سے پیٹرولیم مصنوعات کی شدید قلت پیدا ہو چکی ہے اکثر پیٹرول پمپس پر پیٹرول نایاب جبکہ پی ایس او کی طرف سے پیٹرول کی فراہمی جاری ہے،تفصیلات کے مطابق ملک بھر کی طرح بورے والا میں بھی پیٹرول کی شدید قلت پیدا ہو چکی ہے اکثر پیٹرول پمپس پر پیٹرول نایاب ہونے کی وجہ سے شہری خوار ہو رہے ہیں ٹرانسپورٹ کا پہیہ تقریباً رک گیا ہے اکثر دیہی علاقوں میں قائم منی پیٹرول پمپس پر بلیک میں پیٹرول 100 روپے لیٹر تک فروخت ہو رہا ہے شہریوں کی طرف سے حکومت سے مطالبہ کیا گیا ہے کہ پیٹرولیم مصنوعات کی فراہمی تمام پمپس پر یقینی بنائی جائے جبکہ پرائیویٹ آئل کمپنیوں کے مطابق حکومت نے جب سے عالمی منڈی میں تیل کی قیمتوں میں کمی آئی ہے پرائیویٹ کمپنیوں کو پیٹرولیم مصنوعات کی درآمد سے روک دیا ہے حکومتی آئل ریفائنری کے تیل ذخیرہ کرنے کی اتنی گنجائش نہیں کہ وہ ملک بھر میں پیٹرولیم مصنوعات کی ضرورت کو پورا کر سکیں قیمتیں گرنے سے تمام پرائیویٹ کمپنیوں کو شدید مالی خسارے کا بھی سامنا ہے۔
About Author
