تھانہ صدر پولیس کی کاروائی،تین ڈاکو گرفتار،45 لاکھ سے زائد کا سامان اور اسلحہ برآمد ۔ڈاکٹر عزیر
بورے والا(چوہدری اصغر علی جاوید سے)تھانہ صدر پولیس کی کاروائی،ڈکیتی،چوری اور راہزنی جیسی سنگین وارداتوں میں ملوث جرائم پیشہ افراد پر مشتمل تین گروہ گرفتار،ملزمان کے قبضہ سے وارداتوں میں لوٹے ہوئے 45 لاکھ روپے مالیت کے طلائی زیورات،نقدی،موٹر سائیکل اور دیگر قیمتی سامان برآمد،پولیس نے وارداتوں میں استعمال ہونے والا بھاری مقدار میں جدید اسلحہ بھی برآمد کر لیا،اس امر کا انکشاف اے ایس پی سرکل بورے والا ڈاکٹر عزیر احمد نے ایس ایچ او تھانہ صدر چوہدری طفیل گجر کے ہمراہ پریس کانفرنس کے دوران کیا انہوں نے بتایا کہ گرفتار کئے گئے تینوں گینگز عرصہ دراز سے گھروں اور شاہراہوں پر ڈکیتی و راہزنی جیسی وارداتوں میں ملوث تھے جنکی گرفتاری کیلئے ڈی پی او وہاڑی کی ہدایت پر خصوصی ٹیم تشکیل دی گئی تھی اس ٹیم نے جدید تکنیکی آلات کی مدد سے انکا سراغ لگا کر دوران تفتیش انکے قبضہ سے مجموعی طور پر 45 لاکھ روپے سے زائد مالیت کے طلائی زیورات،نقدی،چھ موٹر سائیکلیں اور دیگر لوٹا ہوا سامان برآمد کر لیا ہے ملزمان کے قبضہ سے وارداتوں میں استعمال ہونے والا جدید اسلحہ بھی برآمد کر لیا گیا ملزمان دیگر اضلاع کی وارداتوں میں بھی ملوث ہیں جسکی تفتیش ابھی جاری ہے اور اہم انکشافات متوقع ہیں اے ایس پی ڈاکٹر عزیر احمد نے کہا کہ امن و امان خراب کرنے والے عوام کی جان و مال کے دشمنوں کو کسی صورت نہیں چھوڑا جائے گا پولیس کی ذمہ داری عوام کے جان و مال کا تحفظ اور امن و امان برقرار رکھنا ہے جس میں پولیس اپنے وسائل میں رہتے ہوئے ان جرائم پیشہ افراد کے خلاف کاروائیاں کر رہی ہے اور انشاء اللہ معاشرے کے یہ ناسور کبھی بھی قانون کی گرفت سے نہیں بچ پائیں گے پریس کانفرنس میں اے ایس پی نے برآمد ہونے والی موٹر سائیکلیں،زیورات اور نقدی اصل مالکان کے حوالے کیں۔
About Author
