چوری کے شبہ میں گرفتاری کے بعد لاپتہ محنت کش کے ورثاء کا پولیس کے خلاف احتجاج

بورے والا(چوہدری اصغر علی جاوید سے)عید سے قبل چوری کے شبہ میں گرفتار کیئے گئے محنت کش کے ورثاء کا تھانہ ماڈل ٹاﺅن کے اے ایس آئی کی پولیس گردی کے خلاف اے ایس پی آفس کے باہر احتجاجی مظاہرہ،7 روز گزرنے کے باوجود گرفتار محنت کش کا سراغ نہ لگ سکا،پولیس نے تشدد کر کے ہمارے بھائی کو مار ڈالا ہو گا،ورثاء کا الزام،اگر وہ زندہ ہے تو پولیس سامنے لائے،بے گناہ افراد کو چوری یا ڈکیتی کے شبہ میں گرفتار کرنے کے بعد نجی ٹارچر سیلوں میں لیجا کر انسانیت سوز تشدد کیا جاتا ہے،رہائی کیلئے بھاری رشوت لینا معمول بن چکا ہے،وزیر اعلیٰ نوٹس لیں،مظاہرین کا مطالبہ،تفصیلات کے مطابق آج الہٰ آباد کالونی کے رہائشی غریب محنت کش غلام عباس نے دیگر رشتہ داروں اور علاقہ مکینوں کے ہمراہ تھانہ ماڈل ٹاﺅن کے اے ایس آئی مظہر فرید کے خلاف احتجاجی مظاہرہ کیا مظاہرین نے پولیس گردی کے خلاف پلے کارڈز بھی اٹھا رکھے تھے غلام عباس نے الزام عائد کیا کہ اسکے بھائی عبدالقادر جو کہ کریانہ کی دوکان پر ملازمت کرتا تھا عید سے تین روز قبل تھانہ ماڈل ٹاﺅن کے اے ایس آئی مظہر فرید نے چوری کے شبہ میں گھر سے گرفتار کیا اور اسے نجی ٹارچر سیل میں لیجا کر انسانیت سوز تشدد کا نشانہ بناتا رہا دو تین روز تک ہم اسے کھانا وغیرہ بھی پہنچاتے رہے اے ایس آئی مذکورہ نے اسکی رہائی کیلئے ایک لاکھ روپے رشوت کا تقاضا کیا جو ہم نہ دے سکے تو اسے غائب کر دیا عید کے بعد اسکے بارے میں کوئی سراغ نہ ملنے پر اے ایس آئی سے پوچھا تو اس نے اسکی گرفتاری کا صاف انکار کر دیا اور لاعلمی ظاہر کر دی انہوں نے الزام عائد کیا کہ مذکورہ تھانیدار نے انکے بے گناہ بھائی کو گرفتار کر کے پولیس گردی اور ظلم کی انتہاء کی اور اب ہمیں شبہ ہے کہ پولیس نے اسے تشدد کر کے ہلاک کر دیا ہے اسی لئے اسکا کوئی سراغ نہیں مل رہا اگر وہ زندہ ہے تو اسے پولیس سامنے لائے وہ بالکل بے گناہ ہے کریانہ کی دوکان پر ملازمت کر کے اپنے بچوں کا پیٹ پال رہا تھا اب اسکے گھر میں بچے فاقہ کشی کر رہے ہیں انہوں نے کہا کہ مظہر فرید اے ایس آئی ضلع وہاڑی میں پولیس گردی کے ایسے کئی واقعات پہلے بھی کر چکا ہے اسکے خلاف پولیس حکام کاروائی نہیں کرتی انہوں نے وزیر اعلیٰ پنجاب عثمان بزدار سے عبدالقادر کی زندہ یا مردہ بازیابی اور اس پولیس گردی میں ملوث اے ایس آئی سمیت دیگر اہلکاروں کے خلاف کاروائی کا مطالبہ کیا ہے اس سلسلہ میں اے ایس آئی مظہر فرید سے جب بات ہوئی تو اسکا موقف تھا کہ عبدالقادر ہمیں چوری کے مقدمہ نمبر 268/20 میں بطور نامزد ملزم مطلوب ہے ہم نے اسکی گرفتاری کیلئے چھاپے مارے ہیں لیکن ہمیں نہیں ملا ہم نے اسے گرفتار نہیں کیا گرفتاری اور تشدد کا الزام غلط ہے۔