لاٹ بھٹیاں میں تھانہ ماڈل ٹاﺅن کی پولیس گردی کے خلاف احتجاجی مظاہرہ،آئی جی سے نوٹس کا مطالبہ
بورے والا(چوہدری اصغر علی جاوید سے)تھانہ ماڈل ٹاﺅن کی مبینہ پولیس گردی،چادر چار دیواری کا تقدس پامال کرتے ہوئے رات گئے محنت کش کے گھر دیواریں پھلانگ کر دھاوا،محنت کش کے بیٹے کو زبردستی اٹھا کر نجی ٹارچر سیل میں لیجا کر رات بھر انسانیت سوز تشدد،پولیس گھر میں موجود ایک لاکھ سے زائد جمع پونچی،موٹر سائیکل اور موبائل فون بھی اٹھا کر لے گئی،ڈکیتی اور دیگر سنگین وارداتوں کا زبردستی اعتراف کروانے کیلئے نوجوان کی تانگوں پر رولر پھیر کر ٹانگیں مفلوج کر دیں،اگلے روز نوجوان کی رہائی کیلئے 50 ہزار رشوت طلب کر لی،35 ہزار لیکر چھوڑا،ایس ایچ او تھانہ ماڈل ٹاﺅن نے ظلم کی انتہا کر دی،انصاف نہ ملا تو خود سوزیاں کریں گے،متاثرہ محنت کش اور اہل دیہہ کا پولیس کے خلاف احتجاجی مظاہرے میں الزام،ڈکیتی کے ملزم پکڑنے گئے تھے اصل ملزم نہیں ملا اس نوجوان کو لائے تھے بعد میں چھوڑ دیا،ایس ایچ او کا موقف،تفصیلات کے مطابق نواحی آبادی 451 (ای بی) لاٹ بھٹیاں کے رہائشی محنت کش محمد رمضان بھٹی،پی ٹی آئی یوتھ ونگ کے راہنماءشہباز بھٹی اور دیگر اہل محلہ کی قیادت میں درجنوں افراد نے تھانہ ماڈل ٹاﺅن پولیس کے خلاف احتجاجی مظاہرہ کیا مظاہرین کا موقف تھا کہ رضوان نامی نوجوان کو گزشتہ شب 12 بجے کے قریب ایس ایچ او شمعون جوئیہ،اے ایس آئی مظہر فرید،وقاص گھمن اور دیگر اہلکاروں نے جن میں چند سول کپڑوں میں تھے بلاجواز دیواریں پھلانگ کر گھر سے اٹھایا موٹر سائیکل،موبائل اور گھر میں پڑی ہماری جمع پونجی 1لاکھ 30 ہزار بھی ساتھ لے گئے اور اسے نامعلوم مقام پر لیجا کر رات بھر تشدد کا نشانہ بناتے رہے رضوان کی ٹانگوں پر رولر پھیر کر اسے مفلوج کر دیا ایس ایچ او اور دیگر اہلکار کہتے رہے کہ تم ڈکیتی یا چوری مان جاﺅ پھر چھوڑ دیں گے رضوان کے بارے 15 پر بھی کال کی لیکن کسی بھی تھانے میں اسکا سراغ نہ مل سکا 24 گھنٹوں بعد پولیس نے موٹر سائیکل اور موبائل واپس کر دیا اور اسکی رہائی کیلئے 50 ہزار رشوت طلب کی 20 ہزار روپے نقد لئے 15 ہزار موبائل اکاﺅنٹ کے ذریعے لیکر رضوان کو رہا گیا جسکی حالت غیر تھی ہمیں دھمکیاں دی گئیں کہ اگر زبان کھولی تو اسے دوبارہ اٹھا کر لے جائیں گے مظاہرین نے پولیس کے خلاف نعرے بازی بھی کی اور مطالبہ کیا کہ پولیس گردی کا نوٹس لیکر ہمیں انصاف فراہم کیا جائے بصورت دیگر ہم سینکڑوں افراد کے ہمراہ میں روڈ بلاک کر کے احتجاج کریں گے اس سلسلہ میں جب ایس ایچ او تھانہ ماڈل ٹاﺅن شمعون جوئیہ سے رابطہ کیا گیا تو انہوں نے بتایا کہ ہم ڈکیتی کا نامزد ملزم گرفتار کرنے گئے تھے جو نہ ملا تو رضوان کو لے آئے تھے اور انہیں اصل ملزم پیش کرنے کا کہا تھا جبکہ اسے بھی بعد میں چھوڑ دیا تھا اصل ملزم کا نام پوچھا گیا تو انہوں نے کہا کہ مجھے اسکا نام یاد نہیں وہ میرے اے ایس آئی مظہر فرید سے پوچھ لیں جب مظہر فرید سے رابطہ کیا گیا تو اس نے رضوان کو اٹھا کر لیجانے کے بارے صاف انکار کر دیا اور کہا کہ ہم گئے ضرور تھے لیکن اصل ملزم نہیں ملا جو کہ رضوان ہے اور انہوں نے رضوان کو پیش کرنے کا وعدہ کیا تھا لیکن اسے پیش نہیں کیا تشدد یا گرفتاری کا الزام بے بنیاد ہے رضوان ہمارے مقدمہ میں نامزد ملزم ہے اسے گرفتار کرنا ہے۔
About Author
