ماہ رمضان شروع ہوتے ہی دوکانداروں نے سبزیوں اور پھلوں کی قیمتوں میں خود ساختہ اضافہ کر دیا
بورے والا(چوہدری اصغر علی جاوید سے)عوام کو رمضان المبارک میں ریلیف پہنچانے کے حکومتی دعوے دھرے کے دھرے رہ گئے ہیں،ماہ رمضان شروع ہوتے ہی دوکانداروں نے سبزیوں اور پھلوں کی قیمتوں میں خود ساختہ اضافہ کر لیا،100روپے فی کلو میں بکنے والے لیموں کی 400 روپے فی کلو سے بھی تجاوز کر گئی،تفصیلات کے مطابق پنجاب حکومت نے رمضان المبارک میں عوام کو اشیاء ضروریہ کی قیمتوں میں ریلیف فراہم کرنے کے جو دعوے کئے تھے وہ انتظامیہ اور پرائس کنٹرول کمیٹیوں کی گرفت کمزور ہونے کی وجہ سے قیمتوں میں خود ساختہ اضافے کی وجہ سے دھرے کے دھرے رہ گئے ہیں رمضان المبارک سے قبل 80 روپے میں فروخت ہونے والا لیموں 400 روپے کلو سے بھی تجاوز کر گیا ہے سو روپے کلو والا سیب تین سو میں اور 160 روپے کلو میں فروخت ہونے والی کھجور خود ساختہ اضافے کے ساتھ 300 روپے کلو تک جا پہنچی ہے سبزیوں اور دیگر پھلوں کی قیمتوں میں بھی من مانے اضافے سے شہری شدید پریشان ہیں شہریوں نے حکومت سے مطالبہ کیا ہے کہ دنیا کے دیگر ممالک کی طرح رمضان المبارک کے دوران اشیاء ضروریہ کی قیمتوں میں کمی لا کر عوام کو ریلیف فراہم کیا جائے۔
About Author
