شہباز شریف منی بائی پاس کے راستے میں ناجائز قابضین کے خلاف اسسٹنٹ کمشنر کی قیادت میں گرینڈ آپریشن شروع

بورے والا(چوہدری اصغر علی جاوید سے)شہباز شریف منی بائی پاس کے راستے میں ناجائز قابضین کے خلاف اسسٹنٹ کمشنر کی قیادت میں گرینڈ آپریشن شروع،محکمہ انہار کی جگہ پر تعمیر شدہ درجنوں مکانات اور دوکانیں بھاری مشینری کی مدد سے مسمار،ٹی ایم اے کالونی سے ملحقہ برلب نہر محکمہ مال کی جگہ پر قائم مارکیٹ گرانے کے اعلان پر تاجر اسسٹنٹ کمشنر اور پوری انتظامیہ کے سامنے دیوار بن گئے،تاجروں نے احتجاجاََ ٹائر جلا کر روڈ بلاک کر دی،تصادم ہوتے ہوئے رھ گیا انجمن تاجران کی مداخلت پر دوکانداروں کو ایک ماہ کی مہلت مل گئی،تفصیلات کے مطابق شہباز شریف منی بائی پاس منصوبے کی تکمیل میں سب سے بڑی رکاوٹ محکمہ انہار اور محکمہ مال کی سرکاری اراضی پر قائم سینکڑوں مکانات اور دوکانیں چھ ماہ کے طویل عرصہ کے دوران ضلعی و تحصیل انتظامیہ کی دی جانےو الی مہلت کے دوران ناجائز قابضین نے ازخود ختم کر دئیے تھے لیکن درجنوں مکانات اور دوکانیں تاحال نہیں گرائی جا سکی تھیں جنہیں دی گئی آخری مہلت ختم ہونے پر آج ڈپٹی کمشنر علی اکبر بھٹی کی ہدایت پر اسسٹنٹ کمشنر بورے والا راﺅ تسلیم اختر کی قیادت میں تحصیلدار سجاد خاں لودھی اور میونسپل آفیسر فنانس محمد یاسین کھچی،محکمہ مال کے پٹواریوں حاجی محمد ممتاز،حاجی شوکت علی،محکمہ واپڈا،محکمہ انہار،بلدیہ بورے والا،محکمہ سوئی گیس اور دیگر محکموں کے درجنوں اہلکاروں نے مقامی پولیس اور بھاری مشینری کی مدد سے گرینڈ آپریشن کا آغاز کر دیا دوران آپریشن محکمہ انہار کی نشاندہی پر درجنوں پختہ مکانات اور کمرشل دوکانیں مسمار کر دی گئیں آپریشن کرنے والی ٹیم جب ٹی ایم اے کالونی سے ملحقہ محکمہ مال کی جگہ پر قائم دوکانوں کو مسمار کرنے کے لیے پہنچی تو ناجائز قابضین کی قیادت کرنے والے مقامی تاجر بنیامین بھٹی انتظامیہ کے سامنے دیوار بن کر کھڑے ہو گئے اور موقف اختیار کیا کہ انہیں کوئی نوٹس نہیں دیا گیا اور عرصہ کئی سالوں سے ان دوکانوں کا بلدیہ بورے والا کو ماہانہ کرایہ ادا کر رہے ہیں جس پر اسسٹنٹ کمشنر راﺅ تسلیم اختر نے اُنکے موقف کو خلاف قانون قرار دیتے ہوئے کہا کہ یہ جگہ محکمہ مال کی ہے اور محکمہ مال نے جگہ دینے کے متعلق کسی کو کوئی اجازت نامہ یا الائمنٹ نہیں کی اور بلدیہ بورے والا کو اس جگہ کا کرایہ لینے کا کوئی اختیار نہیں لہٰذا یہ دوکانیں ہر صورت گرائی جائیں گئی جس پر تاجر مشتعل ہو گئے اور انتظامیہ کے خلاف شدید نعرہ بازی کرتے ہوئے وہاڑی بازار پل کو ٹائر نذر آتش کرکے بلاک کر دیا اسی اثناء میں ضلعی صدر انجمن تاجران محمد جمیل بھٹی اور جنرل سیکرٹری چوہدری صغیر احمد رامے تاجروں کی حمایت میں وہاں آ گئے اور انتظامیہ سے مذاکرات کرکے انہیں ایک ماہ کی مہلت لے دی جس کے بعد ٹیم نے محلہ محمد نگر سے آپریشن کا دوبارہ آغاز کر دیا اور رکاوٹ پیدا کرنے والے گھروں کو مسمار کرنے کا عمل شروع کر دیا جو تاحال جاری ہے۔