ہسپتال میں ابھی تک کورونا وائرس کا کوئی بھی مصدقہ مریض سامنے نہیں آیا

بورے والا(چوہدری اصغر علی جاوید سے)حکومت کی ہدایت پر شہر میں مکمل لاک ڈاﺅن،اہم کاروباری مراکز،مارکیٹس اور شاپنگ مالز بند،میڈیکل سٹوروں اور کریانہ کی دوکانوں پر رش،ڈبل سواری کی پابندی شہریوں نے ہوا میں اڑا دی،گراﺅنڈ کرکٹ اور دیگر کھیلوں کیلئے نوجوانوں کا رش،اٹلی،ایران،امریکہ،سعودیہ اور دیگر ممالک سے آنے والے محکمہ صحت اور انتظامیہ کی آنکھوں سے اجھل،شہر میں پولیس کا غیر موثر گشت،تفصیلات کے مطابق بورے والا شہر میں بھی حکومت کی ہدایت پر کورونا وائرس کے باعث مکمل لاک ڈاﺅن کیا گیا اہم بازار،مارکیٹیں،کاروباری مراکز اور دوکانیں بند ہیں میڈیکل سٹور،کریانہ سٹور اور کھانے پینے کی اشیاءکی خریداری کیلئے عوام کا رش دیکھا جا رہا ہے لیکن پولیس کے غیرموثر گشت کی وجہ سے ڈبل سواریوں کی پابندی کی دھجیاں اڑائی جا رہی ہیں گلی،محلوں اور دیہات میں کھیلوں کے میدان نوجوانوں سے بھرے ہوئے ہیں انکو منتشر کرنے کیلئے پولیس اطلاع کے باوجود نہیں پہنچ رہی ہسپتال میں ابھی تک کورونا کا کوئی بھی مصدقہ مریض سامنے نہیں آیا ایک مشتبہ شخص کے خون کے نمونے لیبارٹری بھجوا دیئے گئے ہیں تحصیل میونسپل کارپوریشن کی جانب سے شہر کی سڑکوں اور پبلک مقامات پر کلورین کا چھڑکاﺅ جاری ہے تاہم اٹلی،ایران،امریکہ،دبئی،سعودی عرب اور دیگر ممالک سے آنے والے شہری ابھی تک محکمہ صحت اور انتظامیہ کے آنکھوں سے اوجھل ہیں جن کی وجہ سے ان کے اردگرد مقیم افراد خوف کا شکار ہیں کورونا وائرس کیلئے مریضوں اور مشتبہ افراد کے لیے بنائے گئے قرنطینہ سنٹرز تاحال خالی پڑے ہیں مقامی شہریوں نے پولیس کی غیر ذمہ داری اور غیر موثر گشت کی وجہ سے لاک ڈاﺅن کی خلاف ورزی کا نوٹس لینے کا مطالبہ کیا ہے۔