اس وقت ملک میں نیشنل ہیلتھ ایمرجنسی نافذ ہے ہمیں صفائی کا خیال رکھنا چاہئے۔وقاص رشید

بورے والا(چوہدری اصغر علی جاوید سے)ڈپٹی کمشنر وہاڑی کیپٹن (ر) وقاص رشید نے کہا ہے کہ تمام اسسٹنٹ ایجوکیشن آفیسرز اپنے مراکز میں کرونا وائرس سے بچاﺅ اور احتیاطی تدابیر کے حوالے سے آگاہی پیدا کرنے کیلئے اپنا کردار ادا کریں تا کہ ہم اپنے لوگوں کو کرونا وائرس کے خطرے سے محفوظ رکھ سکیں،لوگوں کو آگاہ کرنا ہے کہ وہ زیادہ سے زیادہ صفائی ستھرائی کا خیال رکھیں اور کرونا سے ڈرنے کی بجائے احتیاطی تدابیر پر توجہ دیں،ان خیالات کا اظہار انہوں نے اپنے دفتر میں ڈسٹرکٹ ریونیو کمیٹی ایجوکیشن کے اجلاس سے خطاب کرتے ہوئے کیا ڈپٹی کمشنر کیپٹن (ر) وقاص رشید نے کہا کہ اس وقت ملک میں نیشنل ہیلتھ ایمرجنسی نافذ ہے لہذا ہم سب کی ذمہ داری بنتی ہے کہ ہم اپنے ملک اور قوم کے مفاد کیلئے اپنا کردار ادا کریں اسسٹنٹ ایجوکیشن آفیسر اور سکولوں کے ہیڈ ٹیچرز کا اپنے علاقوں میں اچھا اثر و رسوخ ہوتا ہے اور لوگ ان کی بات کو بہت اہمیت دیتے ہیں اس لئے ہمیں اس نیشنل کاز کے موقع پر آگے بڑھنا چاہیے اور لوگوں کو کرونا وائرس سے بچاﺅ اور احتیاطی تدابیر کے حوالے سے بروقت آگاہ کرنا چاہیے اور ایسے افراد جو بیرون ملک سے آئے ہوں یا جو لوگ بیرون ملک سے آنے والوں کے قریبی عزیز و اقارب ہوں اور وہ نزلہ،زکام،بخار یا فلو وغیرہ میں مبتلا ہوں تو اس کے حوالے سے اطلاع دی جائے تاکہ ان کو کروٹائن کیا جا سکے بروقت احتیاط سے کرونا وائرس کو پھیلنے سے بچایا جا سکتا ہے کرونا وائرس کے حوالے سے کوئی بھی ایشو ہو تو اس کی فوری اطلاع دی جائے اور لوگوں میں صفائی ستھرائی کے حوالے سے خصوصی آگاہی دی جائے اگر ہم اپنے ماحول اور اپنے آپ کو صاف ستھرا رکھیں گے تو کرونا وائرس سے بچا جا سکتا ہے ڈپٹی کمشنر نے مزید کہا کہ اے ای اوز اپنے مراکز کے طلباء و طالبات اور ان کے والدین سے بھی رابطے میں رہیں تا کہ اگر کسی بھی بچے کو کوئی مسئلہ ہو تو اس کی بھی فوری طور پر اطلاع دی جائے ہم نے کرونا سے ڈرنا نہیں ہے بلکہ احتیاطی تدابیر اختیار کرنی ہے۔