پنجاب حکومت صحت کی سہولتوں کو جدید بنانے کے ساتھ ساتھ سروسز کے معیار کو بہتر بنا رہی ہے ۔ علی اکبر بھٹی

بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے کہا ہے کہ پنجاب حکومت صحت کی سہولتوں کو جدید بنانے کے ساتھ ساتھ سروسز کے معیار کو بہتر بنا رہی ہے اور ہسپتالوں کی خوبصورتی میں بھی اضا فہ کیا گیا ہے تاکہ صاف ستھرا اور خوبصورت ماحول دیکھ کر مریض کو طمانیت حاصل ہو،ان خیالات کا اظہار انہوں نے تحصیل ہیڈ کوارٹر ہسپتال بورے والا میں خادم اعلی پنجاب میاں محمد شہباز شریف کی خصوصی ہدایت پر ہفتہ صحت کے حوالہ سے جاری کیمپ کا دورہ کرنے کے بعد میڈیا کے نمائندوں سے گفتگو کرتے ہوئے کیا اس موقع پر ایم پی اے چوہدری ارشاد احمد آرائیں،اسسٹنٹ کمشنر راﺅ تسلیم اختر،ڈی ایس پی طاہر مجید ملک،چیف ایگزیکٹو ہیلتھ ڈاکٹر شعیب الرحمن گورمانی،ایم ایس ٹی ایچ کیو ڈاکٹر امجد شکیل،ڈپٹی ایم ایس ڈاکٹر عمران بھٹی،ممبر ہیلتھ کمیٹی شیخ شہزاد مبین،کونسلرز بلدیہ عبدالخالق ٹھیکہ،عبدالروف کھوکھر،رانا محمد ارشاد اور دیگر نمائندہ شخصیات بھی موجود تھیں ایم پی اے چوہدری ارشاد احمد آرائیں نے کہا کہ ہفتہ صحت منانے کا مقصد ہسپتال میں فراہم کی گئی سہولیات کے بارے میں بھی عوام کو آگاہی دینا ہے ہفتہ صحت کے دوران ماں اور بچے کی صحت،ہیپاٹائٹس بی اور سی کے مفت ٹیسٹ اور ادویات کی مفت فراہمی کے حوالہ سے سہولیات کے بارے میں عوام کا آگاہ کیا جا رہا ہے سی ای او ہیلتھ ڈاکٹر شعیب گورمانی نے کہا کہ اس ہفتہ کے دوران شوگر،ہیپاٹائٹس بی،سی،ٹی بی،ایڈز،ملیریا،خون کی کمی کے حوالہ سے مفت ٹیسٹ کر کے تجویز کردہ مختلف ادویات فراہم کی جا رہی ہیں بورے والا میں اس ہفتہ صحت کیمپ میں روزانہ 250 افراد کے مفت ٹیسٹ کروانے کا ہدف مقرر کیا گیا تھا لیکن کیمپ میں موجود وسائل میں رہتے ہوئے روزانہ 350 کے قریب مریضوں کے ٹیسٹ ہورہے ہیں اسی طرح 3 دیہی مراکز صحت اور 5 بنیادی مراکز صحت میں بھی ہفتہ صحت منایا جا رہا ہے ایم ایس ڈاکٹر امجد شکیل نے بتایا کہ ٹی ایچ کیو میں ہفتہ صحت کے حوالہ سے باقاعدہ کیمپ لگا کر کام شروع ہے لیبارٹری ٹیسوں اور علاج کے لیے آنے والے افراد کے لئے بیٹھنے کا خصوصی انتظام کیا گیا ہے طبی کیمپ میں عوام کی سہولت کے لیے مختلف ڈیسک قائم کئے گئے ہیں دریں اثناء ڈپٹی کمشنر علی اکبر بھٹی نے ڈاکٹرز اور عملہ کی کارکردگی جانچنے کے لئے مختلف ڈیسکوں پر رجسٹریشن کے مرحلہ سے لے کر لیبارٹری ٹیسٹ اور طبی معائنہ تک کے مختلف مراحل کا مشاہدہ کیا۔