نئے تعینات ہونے والے ڈی پی او وہاڑی احسان اللہ چوہان نے اپنے عہدے کا چارج سنبھال لیا

بورے والا(چوہدری اصغر علی جاوید سے)نئے تعینات ہونے والے ڈی پی او وہاڑی احسان اللہ چوہان نے اپنے عہدے کا چارج سنبھال لیا،پولیس لائن میں نئے ڈی پی او احسان اللہ چوہان کو خیرمقدم جبکہ سابق ڈی پی او اختر فاروق کو الوداع کہنے کی تقریب منعقد ہوئی جس میں ایم پی اے رائے ظہور کھرل،صدر بار شہزاد انجم مترو،جنرل سیکرٹری میاں فیصل احسان،چیمبر آف کامرس اینڈ انڈسٹری کے بانی صدر حافظ محمود احمد شاد،صدر چوہدری غضنفر علی،جنرل سیکرٹری میاں خورشید احمد،معروف بزنس مین چوہدری قیصر،چوہدری ندیم عباس،انجمن تاجران کے صدر ارشاد حسین بھٹی،جنرل سیکرٹری راﺅ خلیل احمد،شیخ محمد سلیم چوہدری،عبدالرﺅف چوہدری،ضلعی صدر کسان اتحاد ملک ذوالفقار اعوان،پی ٹی آئی خواتین ونگ کے راہنما صائمہ نورین،نوشین،ملک عظمیٰ سلیم،میاں وحید الرحمن،میاں ساجد منظور،منور رجانہ،ڈی ایس پی ایز پی آر او راﺅ فیصل مبین احمد،شہزاد مصطفےٰ چوہان سمیت معززین کی بڑی تعداد موجود تھی ڈی پی او احسان اللہ چوہان نے خطاب کرتے ہوئے کہا کہ پولیس سروسز کی بہتری لا کر عوام کی توقعات پر پورا اترنے کی ہر ممکن کوشش کی جائے گی عوام کے جان و مال کے تحفظ اور امن و امان کے قیام میں تمام دستیاب وسائل بروئے کار لائے جائیں گے پولیس سے متعلق تمام مسائل میرٹ پر نمٹائے جائیں گے گڑبڑ کرنے اور معاشرہ میں منشیات کا زہر پھیلانے والوں کو نشان عبرت بنا دیا جائے گا ڈی جی خان تبدیل ہونے والے ڈی پی او اختر فاروق نے کہا کہ وہاڑی پولیس پیشہ ور ماہر افسران اور متحرک جوانوں کا بہترین امتزاج ہے منشیات فروش نوجوانوں کے بدترین دشمن انکے خلاف جنگ شروع کر رکھی تھی امید ہے نئے ڈی پی او بھی پوری قوت سے لڑیں گے انہوں نے کہا کہ وہاڑی کے عوام اور مختلف تنظیموں کے عہدیدار اجتماعی مفاد میں تعاون کرنے والے مثبت سوچ کے حامل ہیں بہت ہی کم وقت میں بہت زیادہ اپنائیت ملی قبل ازیں اختر فاروق نے چارج چھوڑنے اور احسان اللہ چوہان نے چارج لینے کے کاغذات پر دستخط کیے۔