کوثر مجید گرلز ہائی سکول جدید دور کے تقاضوں سے ہم آہنگ ایک مثالی ادارہ ہے۔اختر فاروق
بورے والا(چوہدری اصغر علی جاوید سے)ڈی پی او وہاڑی اختر فاروق نے کہا ہے کہ فلاحی اداروں کی جانب سے دیہی علاقوں میں طالبات کیلئے معیاری سکولوں کا قیام قابل ستائش ہے،کوثر مجید گرلز ہائی سکول جدید دور کے تقاضوں سے ہم آہنگ ایک مثالی ادارہ ہے جہاں ناصرف طالبات کو نصابی تعلیم دی جا رہی ہے بلکہ دینی تعلیم کے ساتھ ساتھ ووکیشنل تعلیم کی فراہمی احسن اقدام ہے،موجودہ دور میں طالبات کو تعلیمی اداروں میں فنی تعلیم کے زیور سے آراستہ کر کے ہم انہیں عملی زندگی میں روزگار کمانے کے قابل بھی کرسکتے ہیں،ان خیالات کا اظہار انہوں نے کوثر مجید گرلز ہائی سکول 203 (ای بی) میں منعقدہ تقریب سے خطاب کرتے ہوئے کیا تقریب سے انکی اہلیہ ڈاکٹر جویریہ اختر فاروق،ڈائریکٹر سکول شیخ شاہ رخ،ممبر بورڈ آف گورنرز پروفیسر ظفر عبداللہ اور پرنسپل میڈم ارسلہ حمید نے اپنے خطاب میں سکول میں تعلیمی سرگرمیوں،تعلیمی نتائج اور دی جانے والی سہولتوں بارے تفصیل سے روشنی ڈالی اس تقریب میں سول سوسائٹی نیٹ ورک کے پیٹرن انچیف شیخ شہزاد مبین،پرنسپل گورنمنٹ کالج پروفیسر خوشی محمد شہزاد،ڈائریکٹر پنجاب کالج پروفیسر مجید اکبر سدھو،صدر وہاڑی چیمبر آف کامرس چوہدری غضنفر علی،پروفیسر جاوید اقبال،معروف بزنس میں رانا محمد اجمل،رانا محمد نعیم،چوہدری قیصر نذیر،سینئر صحافی اصغر علی جاوید(کامریڈ)،جنرل سیکرٹری ”ایمرا“ چوہدری اصغر علی جاوید،احتشام داﺅد اور حافظ جنید احمد بھی موجود تھے ڈی پی او وہاڑی نے اپنی آمد کے بعد سکول میں طالبات کی جانب سے بنائے گئے خوبصورت ماڈلز بھی دیکھے جبکہ تقریب میں سکول کی طالبات نے خوبصورت ٹیبلو سے مہمانوں کو خوش آمدید کیا۔
About Author
