اسسٹنٹ کمشنر اور ایکسئین میپکو نے چھاپے مار کر رنگے ہاتھوں بااثر بجلی چور گرفتار کر لیئے

بورے والا(چوہدری اصغر علی جاوید سے)میپکو ٹاسک فورس کی بجلی چوروں کے خلاف تابڑ توڑ کاروائیاں،اسسٹنٹ کمشنر اور ایکسئین میپکو کی قیادت میں اچانک چھاپے مار کر ساہوکا اور ضلع بہاولنگر کے علاقہ سے رنگے ہاتھوں بااثر بجلی چور گرفتار،گرفتار ہونے والے بااثر بجلی چور میپکو ٹیموں کیلئے چیلنج بنے ہوئے تھے،ملزمان کو گرفتار کر کے مقدمات درج کر لئے گئے،تفصیلات کے مطابق حکومت کی ہدایت پر بجلی چوری کے خاتمہ کیلئے میپکو ڈویژن بورے والا کی ٹاسک فورس نے اسسٹنٹ کمشنر رانا اورنگزیب اور ایکسیئن میپکو ملک فیاض حسین کھوکھر کی قیادت میں سپیشل برانچ کے انچارچ عارف بھٹی،پولیس اور میپکو اہلکاروں پر مشتمل ٹیم نے آج اچانک تھانہ ساہوکا اور میپکو بورے والا کی حدود میں واقع تھانہ مدرسہ بہاولنگر کے علاقہ میں اچانک چھاپے مار کر متعدد بااثر بجلی چوروں کو رنگے ہاتھوں بڑے پیمانے پر بجلی چوری کرتے ہوئے گرفتار کر لیا جو بجلی چوری کے حوالہ سے میپکو کیلئے ایک چیلنج بنے ہوئے تھے جو کہ ٹیوب ویلوں اور گھروں میں ڈائریکٹ کنڈے ڈال کر بجلی چوری کرتے آ رہے تھے گرفتار ہونے والوں میں نوشہرہ جملیرا کے سمیع اللہ اور کچے کے بااثر زمیندار جلال خاں لکھویرہ بھی شامل ہیں ایکسیئن میپکو فیاض حسین کھوکھر کا کہنا ہے کہ اب بجلی چور قانون کی گرفت سے نہیں بچ پائیں گے خواہ کوئی کتنا ہی بااثر کیوں نہ ہو کسی بھی دباﺅ کو خاطر میں نہ لاتے ہوئے یہ کاروائیاں اب بجلی چوری کے خاتمے تک جاری رہیں گی۔