بورے والا جمخانہ کلب کے تعمیراتی منصوبے کو جلد شروع کیا جائے۔خالد ڈوگر،عاشق آرائیں
بورے والا(چوہدری اصغر علی جاوید سے)بورے والا جمخانہ کلب کے تعمیراتی منصوبے کو جلد شروع کرنے کا مطالبہ،اپنی مدد آپ کے تحت شہریوں نے منصوبے کی تکمیل کیلئے کروڑوں روپے جمع کئے،جمخانہ کا منصوبہ شہریوں کی تفریح کا بے مثال منصوبہ ہے،ڈی سی وہاڑی سے فوری نوٹس لینے کا مطالبہ،بورے والا جمخانہ کلب کے ممبران کا ایک ہنگامی اجلاس جمخانہ کلب میں منعقد ہوا جس میں ممبران کلب ایم پی اے سردار خالد محمود ڈوگر،سابق چیئرمین بلدیہ چوہدری محمد عاشق آرائیں،سابق صدور بار ملک فرقان یوسف،محمد جاوید شاہین،صدر چیمبر آف کامرس وہاڑی چوہدری غضنفر علی،پی ٹی آئی کے سینئر راہنماء چوہدری اعجاز اسلم،طارق محمود باجوہ،سابق کونسلرز میاں خالد حسین،شکیل حشمت،چوہدری نعیم صابر،بلاول حمید بٹ اور دیگر ممبران نے خطاب کرتے ہوئے کہا کہ گزشتہ سال سابق ڈی سی وہاڑی عرفان علی کاٹھیا نے بورے والا کلب کو وہاڑی کی طرز کے بورے والا جمخانہ کلب کا منصوبہ شروع کیا جس میں بورے والا کے تمام سٹیک ہولڈرز نے بہت دلچسپی کا مظاہرہ کیا اور 350 سے زائد ممبران نے اس منصوبے کی تعمیر کیلئے کروڑوں روپے کے فنڈز اپنی جیب سے اکٹھے کئے جسکا مقصد دیگر بڑے شہروں کی طرح بورے والا میں بھی ایک ایسا یادگار تفریحی منصوبہ مکمل کیا جائے جہاں نہ صرف اسکے ممبران بلکہ انکی فیملی کیلئے بھی تفریح کا ایک ایسا ماحول میسر ہو جو دیگر بڑے شہروں کے جمخانہ کلبز میں موجود ہے لیکن دسمبر میں اچانک ڈی سی وہاڑی نے ایک درخواست پر ناصرف کلب کے بورڈ آف گورنرز کے انتخابات روک دیئے بلکہ اسکے منصوبے کیلئے اکاونٹ میں موجود فنڈز کا اجراء بھی روک دیا جس سے یہ منصوبہ کھٹائی میں پڑ گیا اس منصوبے پر تعمیراتی کام رکنے سے ممبران میں تشویش پائی جا رہی ہے اور وہ اس منصوبے پر جلد کام شروع کروانے کیلئے آج اکٹھے ہوئے ہیں اس سلسلہ میں کلب ممبران پر مشتمل ایک کمیٹی تشکیل دیکر ڈی سی وہاڑی کو اپنے تحفظات سے آگاہ کرنے کا فیصلہ کیا گیا جو دو تین روز میں ڈی سی وہاڑی سے ملاقات کرے گی اگر اس کمیٹی کے ساتھ مذاکرات یا بات چیت کسی نتیجے پر نہ پہنچی تو پھر بورے والا اور وہاڑی جمخانہ کلب ممبران کے علاوہ ضلع بھر بار ایسوسی ایشنز،انجمن تاجران،چیمبر آف کامرس اور دیگر سٹیک ہولڈر تنظیموں سے ملکر اس منصوبے کی تکمیل کیلئے مشترکہ لائحہ عمل مرتب کیا جائے گا۔
About Author
