جب سے موجودہ نااہل حکومت آئی ہے مہنگائی بے قابو ہو چکی ہے۔عاشق آرائیں،جمیل بھٹی

بورے والا(چوہدری اصغر علی جاوید سے)مہنگائی کے خلاف تاجروں،مزدوروں،طلباء اور نمائندہ شہریوں کی احتجاجی ریلی،گلے میں روٹیاں لٹکا کر حکومت کے خلاف شدید نعرے بازی،تفصیلات کے مطابق ملک میں جاری ہوشرباء مہنگائی اور معاشی عدم استحکام کے خلاف سابق چیئرمین بلدیہ چوہدری محمد عاشق آرائیں،وائس چیئرمین بلدیہ حاجی افتخار احمد بھٹی اور ضلعی صدر انجمن تاجران محمد جمیل بھٹی کی قیادت میں غلہ منڈی کے آڑھتیوں،تاجروں،مزدور،طلباء اور سیاسی و سماجی تنظیموں کے سینکڑوں افراد سڑکوں پر آ گئے غلہ منڈی بورے والا سے سابق چیئرمین بلدیہ چوہدری عاشق آرائیں کی قیادت میں نکالی گئی یہ ریلی وہاڑی بازار اور گول چوک سے ہوتی ہوئی پریس کلب کے سامنے آ کر اختتام پذیر ہوئی جہاں چوہدری محمد عاشق آرائیں،محمد جمیل بھٹی اور دیگر مقررین نے خطاب کرتے ہوئے کہا کہ جب سے موجودہ نااہل حکومت آئی ہے مہنگائی بے قابو ہو چکی ہے اور غریب کا جینا حرام کر دیا ہے کاروبار تباہی کا شکار ہیں نااہل حکمران عذاب بن کر ملک پر مسلط ہیں جب تک ان حکمرانوں سے چھٹکارا نہیں مل جاتا ملک میں مہنگائی کا خاتمہ اور معاشی استحکام ناممکن ہے مقررین نے کہا کہ اگر حکومت اس مہنگائی پر قابو نہ پاسکی تو غریب خودکشیوں پر مجبور ہوجائیں گے مظاہرین نے گلے میں روٹیاں لٹکا کر حکومت کے خلاف نعرے بازی کی اس ریلی میں صدر انجمن آڑھتیاں غلہ منڈی ندیم انور چوہدری،صدر انجمن آڑھتیاں سبزی منڈی حاجی عاشق علی آرائیں،صدر کریانہ ایسوسی ایشن راﺅ نور محمد،جنرل سیکرٹری انجمن تاجراں چوہدری صغیر رامے،سابق چیئرمین یو سی چوہدری محمد اسحاق،صدر چیمبر آف کامراس اینڈ انڈسٹری چوہدری غضنفر علی،سابق امیدوار صدر بار چوہدری وقاص اشفاق،سابق کونسلرز بلدیہ میاں خالد حسین،ایاز محمود گھمن،چوہدری عمران غفور،سردار ظہور احمد ڈوگر،ثناء اللہ رحمانی،ملک امتیاز،وائس چیئرمین ضلع کونسل رانا شاہد سرور،سابق جنرل سیکرٹری بار چوہدری خرم ریاض اور دیگر نمائندہ شخصیات نے بھی شرکت کی۔