باصلاحیت ماہرین تعلیم کسی بھی شہر اور علاقہ کیلئے ایک نعمت سے کم نہیں ہوتے۔اراکین اسمبلی

بورے والا(چوہدری اصغر علی جاوید سے)سپیریئر کالج بورے والا کیمپس کی طرف سے تبدیل ہونے والے پرنسپل کے اعزاز میں الوداعی جبکہ نئے آنے والے پرنسپل کے اعزاز میں استقبالیہ تقریب منعقد ہوئی جس میں سابق پرنسپل میاں آصف سردار،نئے تعینات ہونے والے پرنسپل میاں طاہر سلیم،ڈائریکٹرز سپیریئر کالج چوہدری منیر احمد گجر اور محمد ندیم کے علاوہ رکن قومی اسمبلی چوہدری فقیر احمد آرائیں،ممبران پنجاب اسمبلی اعجاز سلطان بندیشہ،سردار خالد محمود ڈوگر،چوہدری یوسف کسیلیہ،سابق ٹکٹ ہولڈر چوہدری خالد محمود چوہان،بیرسٹر خالد نثار ڈوگر،سابق پرنسپل گورنمنٹ کالج پروفیسر راشد سدھو،محمد جاوید شاہین،چوہدری بختیار احمد گجر،چوہدری آصف ابراہیم،حاجی محمد جمیل بھٹی،شہزاد مصطفی اور نمائندہ شخصیات نے بھی شرکت کی تقریب میں اراکین اسمبلی اور ڈائریکٹرز نے کہا کہ سابق پرنسپل کی بورے والا میں تعلیمی خدمات ناقابل فراموش ہیں ایسے باصلاحیت ماہرین تعلیم کسی بھی شہر اور علاقہ کیلئے ایک نعمت سے کم نہیں ہوتے میاں آصف سردار نے اس شہر میں علم کی جو شمع روشن کی تھی اسکی روشنی صدیوں تک پھیلی رہے گی جبکہ نئے تعینات ہونے والے پرنسپل میاں طاہر سلیم بھی شعبہ تعلیم میں ایک بڑا نام ہے جنکی پیشہ وارانہ تعلیمی خدمات قابل ستائش ہیں اور توقع کرتے ہیں کہ وہ اپنے پیش رو کی روشن کی گئی تعلیمی شمع کو ہمیشہ اپنے تجربے اور صلاحیت سے روشن رکھیں گے۔