تھانہ دانیوال پولیس نے خطرناک گروہ کو گرفتار کر کے ڈیڑھ کروڑ کا سامان برآمد کر لیا

بورے والا(چوہدری اصغر علی جاوید سے)پولیس تھانہ دانیوال نے نجی موبائل کمپنی کے ٹاورز سے قیمتی الیکٹرانک سامان اور آر ٹی این ڈیوائسز کی واردات کرنے والے گروہ کے ارکان کو گرفتار کر کے ان کے قبضہ سے ڈیڑھ کروڈ مالیتی قیمتی سامان اور پسٹل برآمد کر لئے،ڈسٹرکٹ پولیس آفیسر وہاڑی اختر فاروق نے پریس کانفرنس کے دوران بتایا کہ پولیس تھانہ دانیوال کو چند روز قبل نجی موبائل فون کمپنی کے ٹاورز سے قیمتی الیکٹرانک ڈیوائسز کی واردات کی اطلاع موصول ہوئی جس پر ڈی ایس پی سرکل صدر خالد پرویز کی سربراہی میں ایس ایچ او دانیوال مرزا رحمت علی پر مشتمل خصوصی ٹیم تشکیل دی گئی جنہوں نے جدید ٹیکنیکل ذرائع استعمال کرتے ہوئے ملزمان احمد رضا اور محمد علی کو نہ صرف گرفتار کیا بلکہ ان کے قبضہ سے ڈیڑھ کروڑ روپے مالیت کا قیمتی سامان اور اسلحہ بھی برآمد کیا ڈی پی او وہاڑی اختر فاروق نے مزید کہا کہ کیونکہ واردات کرنے والا گروہ منظم اور پیشہ ور تھا جسکا سراغ لگانا پولیس کیلئے ایک چیلنج سے کم نہ تھا لیکن وہاڑی پولیس کی ٹیم نے پروفیشنلزم کا مظاہرہ کرتے ہوئے بڑی کامیابی حاصل کی جبکہ اس موقع پر نجی کمپنی کی ٹیم نے اظہار خیال کرتے ہوئے کہا کہ وہاڑی پولیس نے سچ کر دکھایا کہ پولیس واقعی عوام کے جان و مال کی محافظ ہے ہم وہاڑی پولیس کی کارکردگی کو زبردست خراج تحسین پیش کرتے ہیں کہ انہوں نے پروفیشنلزم کا مظاہرہ کرتے ہوئے چند دنوں میں ملزموں تک پہنچ کر ریکوری یقینی بنائی اس دوران نجی سیکورٹی کمپنی کے افسران،ایڈیشنل آئی جی (ر) خالد لطیف،ایس پی (ر) ملتان خان نیازی،ڈی ایس پی (ر) دیوان شاہد،صابر حفیظ اور شبیر حسین بھی موجود تھے نجی مواصلاتی کمپنی کی ٹیم نے ڈی پی او وہاڑی اختر فاروق،ڈی ایس پی سرکل صدر خالد جاوید اور ایس ایچ او دانیوال مرزا رحمت علی کو بہترین پرفارمنس دکھانے پر کمپنی کی طرف سے اعزازی شیلڈ بھی پیش کیں۔