ضلع بھر کی تمام فلاحی تنظیمیں حکومتی ویژن کے مطابق اپنا کردار ادا کریں۔وقاص رشید
بورے والا(چوہدری اصغر علی جاوید سے)ڈپٹی کمشنر وہاڑی کیپٹن (ر) وقا ص رشید نے کہا ہے کہ انسانی فلاح کیلئے جو بھی لوگ کام کر رہے ہیں وہ انسانیت کے اعلیٰ معراج پر ہیں کامیاب معاشروں کی ضمانت فلاحی کاموں میں شامل ہے،تمام مذاہب انسانی فلاح و بہبود کا درس دیتے ہیں جس سے خوشنودی باری تعالی حاصل ہوتی ہے،ان خیالات کا اظہار انہوں نے ضلع وہاڑی کی رجسٹرڈ فلاحی تنظیموں،این جی اوز اور سول سوسائٹی کے ممبران و نمائندگان کے اجلاس سے خطاب کرتے ہوئے کیا اس موقع پر اے ڈی سی جی خالد محمود گیلانی،ڈپٹی ڈائریکٹر سوشل ویلفیئر چوہدری محمد انور،سول سوسائٹی نیٹ ورک بورے والا کے نمائندے و ایس ڈبلیو سی ڈی ایس کے صدر محمد شیر خان کھچی،ڈاس کے صدر عبدالرﺅف چوہدری،انجمن بہبودی مریضاں کے محمد جمیل بھٹی،سماجی تنظیموں کی طرف سے محمد اسلم،شیخ منیر احمد،ابرار حمیدی،محمد اسلم کملانہ،رانا محمد بلال، صبوحی حسن،عظمی سلیم،زبیدہ ملک و دیگر موجود تھے ڈپٹی کمشنر کیپٹن (ر) وقاص رشید نے مزید کہا کہ ضلع بھر کی تمام فلاحی تنظیمیں عوام الناس کی بہتری کیلئے حکومتی ویژن کے مطابق اپنا کردار ادا کریں حکومتی ہدایت کے مطابق گرین اینڈ کلین،صحت،صفائی اور دیگر معاملات میں بڑھ چڑھ کر حصہ لیں تا کہ ضلع وہاڑی کسی بھی سطح پر پیچھے نہ رہے اور عوام تک ان کے ثمرات پہنچنے چاہئیں تمام این جی اوز ضلع وہاڑی میں حکومتی پالیسی پناہ گاہوں کے قیام میں تعاون کریں اجلاس میں تایا گیا کہ ضلع وہاڑی میں 44 رجسٹرڈ تنظیمیں موجود ہیں جو اپنی سطح پر کام کر رہی ہیں مختلف تنظیموں کے ممبران نے اجلاس کو بتایا کہ ہم ہیلتھ،ایجوکیشن،چائلڈ لیبر،انٹی نارکو ٹیکس،سلائی کڑاہی،گرین اینڈ کلین،شجرکاری اور دیگر فلاحی کاموں میں اپنی مدد آپ کے تحت کام کر رہے ہیں۔
About Author
