بجلی چوروں کے خلاف ایکسیئن میپکو اور اسسٹنٹ کمشنر کا مشترکہ آپریشن،تین بجلی چور گرفتار

بورے والا(چوہدری اصغر علی جاوید سے)بجلی چوروں کے خلاف ایکسیئن میپکو،اسسٹنٹ کمشنر،سپیشل برانچ اور مقامی پولیس کا آپریشن،ڈائریکٹ تاریں لگا کر اور ٹیکنیکل طریقوں سے بجلی چوری کرنے والے تین بڑے بجلی چوری رنگے ہاتھوں گرفتار،مقدمات درج،تفصیلات کے مطابق حکومت کی ہدایت پر بجلی چوروں کے خلاف آپریشن کیلئے چیئرمین ٹاسک فورس رانا اورنگزیب اور ایکسیئن میپکو فیاض حسین کھوکھر کی قیادت میں سپیشل برانچ اور مقامی پولیس اور میپکو عملہ نے حبیب کالونی،شاہ فیض پارک اور ساہوکا میں اچانک چھاپے مار کر تین بجلی چوروں کو رنگے ہاتھوں گرفتار کر لیا جو ڈائریکٹ تاریں لگا کر اور مختلف ٹیکنیکل طریقوں سے بڑے پیمانے پر بجلی کر رہے تھے ٹاسک فورس نے بجلی چوروں کے میٹر اتار کر انکے خلاف متعلقہ تھانوں میں مقدمات درج کروا دیئے اس موقع پر ایکسئین میپکو ملک فیاض حسین کھوکھر نے میڈیا سے گفتگو کرتے ہوئے کہا کہ بجلی چوری کتنا بھی بااثر کیوں نہ ہو اسکے خلاف قانون کے مطابق کاروائی کی جائے گی اور اس میں کسی بھی قسم کا دباﺅ برداشت نہیں کیا جائے گا یہ آپریشن روزانہ کی بنیاد پر جاری رہے گا بجلی چوری قومی مجرم ہیں جو کسی دوسرے کے مستحق نہیں انہوں نے عوام سے اپیل کی کہ بجلی چوروں کی نشاندہی کر کے اپنی قومی ذمہ داری پوری کریں۔