قومی تائیکوانڈو کھلاڑی ملک شہباز کا آبائی شہر بورے والا پہنچے پر شاندار استقبال
بورے والا(چوہدری اصغر علی جاوید سے)ساﺅتھ ایشین گیمز میں دو میڈلز کے ساتھ بہترین کارکردگی کا مظاہرہ کرنے والے قومی تائیکوانڈو کھلاڑی ملک شہباز احمد کا آبائی شہر بورے والا پہنچے پر شاندار استقبال کیا گیا،تفصیلات کے مطابق سٹی آف سپورٹس اینڈ ایجوکیشن سے تعلق رکھنے والے پاکستان آرمی کے نوجوان قومی تائیکوانڈو کھلاڑی ملک شہباز احمد جنہوں نے پشاور میں منعقد ہونے والے قومی گیمز میں تین گولڈ میڈل اور کورین ایمبیسیڈر نیشنل تائیکوانڈو چیمپئن شپ میں گولڈ میڈل جیتے جبکہ حالیہ ساﺅتھ ایشین گیمز کٹھمنڈو میں دو چاندی اور برونز کے دو میڈلز جیتے کے بعد ان کا اپنے آبائی شہر بورے والا پہنچنے پر شاندار استقبال کیا گیا ان کو مقامی کھلاڑیوں نے بس سٹینڈ سے ایک جلوس کی شکل میں پریس کلب بورے والا لایا گیا نوجوان کھلاڑی ملک شہباز احمد نے گفتگو کرتے ہوئے بتایا کہ اللہ تعالی کا شکر ہے کہ انہوں نے دو ماہ کے دوران 6 گولڈ میڈل جیتے ہیں جبکہ ساوتھ ایشین گیمز کٹھمنڈو میں بھی دو میڈل جیتے اب اصل ٹارگٹ آئندہ انٹرنیشنل مقابلوں میں گولڈ میڈل جیتنا ہے انہوں اپنی اس کارکردگی کا کریڈٹ اپنے کوچز کو دیا انہوں اپنے شاندار استقبال پر شائقین اور شہریوں کا شکریہ ادا کیا۔
About Author
