پاکستانی قوم اور مسلح افواج آج بھی ملک سے دہشت گردی کے خاتمہ کیلئے پرعزم ہے۔عثمان وڑائچ

بورے والا(چوہدری اصغر علی جاوید سے)سانحہ اے پی ایس کے حوالہ سے بورے والا کے تعلیمی اداروں اور تحریک انصاف کی طرف سے تقریبات کا انعقاد،نجی سکولوں میں بچوں نے شہداء سے منسوب خاکے پیش کیے،کالجز میں قرآن خوانی،پی ٹی آئی کی طرف سے شہداء کیلئے ریلی کا انعقاد،تفصیلات کے مطابق بورے والا میں بھی شہداء اے پی ایس کو خراج عقیدت پیش کرنے کے حوالہ سے الائیڈ سکول کینال کیمپس بورے والا اور گگومنڈی میں ڈائر یکٹر پنجاب کالج پروفیسر مجید اکبر کی ہدایت پر بچوں نے شہداء اے پی ایس سے منسوب ملی نغمے اور ٹیبلو پیش کیے اوران کے درجات کی بلندی کیلئے دعا کی گئی سپیرئیر کالج بورے والا کے اساتذہ نے پرنسپل میاں آصف سردار کی ہدایت پر شہداء اے پی ایس کیلئے قرآن خوانی کی اور ان کی شہادت کو خراج عقیدت پیش کیا تحریک انصاف کے راہنما سابق تحصیل ناظم چوہدری عثمان وڑائچ کے دفتر سے پی ٹی آئی کے راہنماﺅں و کارکنان نے آرمی پبلک سکول کے معصوم شہداء کو خراج عقیدت پیش کرنے کیلئے ایک ریلی کا نعقاد کیا اس میں شہداء کے حق میں نعرے لگائے گئے اور ان کیلئے دعائے مغفرت کی گئی اس ریلی میں پارٹی کے سینئر راہنماﺅں ملک فاروق اعوان،طارق محمود باجوہ،صدر بار ملک فرقان یوسف کھوکھر،سابق اپوزیشن لیڈر بلدیہ غلام مصطفےٰ بھٹی،چوہدری عمران ارشاد،میاں عبدالمتین،میاں عثمان اور دیگر راہنماﺅں نے بھی شرکت کی۔