ذیلی کمیٹیاں بورے والا میں نہ صرف معاشی ترقی بلکہ معاشرتی بہتری کیلئے بنائی گئی ہیں۔غضنفر علی

بورے والا(چوہدری اصغر علی جاوید سے)صدر وہاڑی چیمبر آف کامرس اینڈ انڈسٹری محمد غضنفر علی نے کہا ہے کہ ذیلی کمیٹیاں ضلع بھر میں نہ صرف معاشی ترقی بلکہ معاشرتی بہتری کے لیے بنائی گئی ہیں،ذیلی کمیٹیوں کے تمام ممبران انتہائی اہمیت کے حامل ہیں،ذیلی کمیٹیاں کاروباری طبقہ کی بہتر راہنمائی کیلئے مختلف شعبہ جات پر بنائی گئی ہیں جس میں چند الائیڈ انجینئرنگ،امپورٹ ایکسپورٹ،بیوٹی فیکیشن،تحصیل کوآرڈینٹر،ایجوکیشن،بینکنگ اینڈ فنانس،انوائرمنٹ،اسٹی سٹکس اور بیرونی ممالک تجارتی وفود پر بنائی گئی ہیں،ان خیالات کا اظہار انہوں نے مقامی ہوٹل میں بورے والا سے نامزد ذیلی کمیٹی نمائندگان کی میٹنگ سے خطاب کرتے ہوئے کیا اس موقع پر شیخ شہزاد مبین،عبدالرﺅف چوہدری،محمد خالد،شہباز حسین بھٹی،میاں خالد حسین،غلام مصطفےٰ بھٹی،عدیل مقصود،محمد اشرف،شوکت علی،شاہد حسین،شہزاد مصطفےٰ،احمد وقاص،صغیر رامے، آفتاب نذیر اور خورشید انور سیکرٹری جنرل وہاڑی چیمبر آف کامرس اینڈ انڈسٹری نے شرکت کی صدر وہاڑی چیمبر آف کامرس اینڈ انڈسٹری محمد غضنفر علی نے کمیٹی ممبران کو ہدایت کی کہ اپنی تمام ترصلاحیتیں بروئے کار لاتے ہوئے کاروباری اور عام عوام کی ترقی اور ترویج میں اپنا بھرپور کردار ادا کریں ضلع کی سیکورٹی کیلئے پرائیویٹ سیکٹر کو انوال کرنے اور اس میں انویسٹمنٹ کرنے،کلین اینڈ گرین ڈسٹرکٹ کیلئے ویسٹ مینجمنٹ سیکٹر میں بہتر پلاننگ اور اسکی ری سائیکلنگ میں انویسٹمنٹ کی تجویز پیش کی گئی ضلع وہاڑی کی صنعت کو اجاگر کرنے کیلئے رواں سال ایکسپو کا انعقاد بھی کیا جائے گا ایکسپورٹ پرموشن کیلئے سنٹرل ایشین اور ریشن اسٹیٹس کو ٹارگٹ کیا جائے گا تمام ذیلی کمیٹی ممبران رواں سال اپنی صلاحیتوں اور کارکردگی کی بناء پر ایک یادگار سال بنائیں گے۔