منشیات فروش اور اسکے ساتھی شادی شدہ خاتون کو دو سال تک زیادتی کا نشانہ بناتے رہے
بورے والا(چوہدری اصغر علی جاوید سے)”آسمان گرا نہ زمین پھٹی“،شادی شدہ خاتون کے خاوند کو منشیات فروشی کے جھوٹے مقدمہ میں پھنسا کر اس کی عدم موجودگی میں مسیحی منشیات فروش اپنے دوستوں کے ہمراہ اس کی بیوی کو دو سال تک اجتماعی زیادتی کا نشانہ بناتا رہا،ویڈیو بنا کر منہ بند رکھنے کی دھمکی دی،خاتون جنسی درندگی کے نتیجہ میں دو بچوں کی ماں بن گئی،جیل سے بری ہونے پر خاوند نے اپنی بیوی کے بتانے پر پولیس اور ملزمان کے خلاف ہائیکورٹ سے رجوع کیا،عدالتی حکم کے باوجود پولیس اور زیادتی کے مرتکب بااثر ملزمان کے خلاف کاروائی نہ ہو سکی،عدالت عالیہ نے توہین عدالت پر ڈی پی او سے جواب طلب کر لیا،تفصیلات کے مطابق وڑائچ ٹاﺅن کی رہائشی نیلم انجم نے اپنے خاوند فیاض احمد اور ملک محمد یوسف کے ہمراہ بتایا کہ 5 سال قبل میں نے فیاض احمد سے پسند کی شادی کی تھی میرے خاوند کا دوست عادل کھنڈ مسیح کا گھر میں آنا جانا تھا وہ مجھے بری نگاہ سے دیکھتا تھا جس کا میں نے اپنے خاوند کو بتایا جس نے اپنے دوست کو گھر آنے سے روک دیا اس رنج پر عادل کھنڈ مسیح جو کہ ایک منشیات فروش ہے نے پولیس سے مبینہ ملی بھگت کر کے خاوند کے خلاف منشیات کے دو جھوٹے مقدمات درج کروائے اور اسے جیل بھیج دیا عادل کھنڈ پولیس کا دباﺅ ڈال کر مجھے اغوا کر کے اپنے گھر لے گیا وہاں پر عادل کھنڈ مسیح اپنے دیگر دوستوں کے ہمراہ زبردستی میرے ساتھ زیادتی کرتا رہا ایک ثمن منظور نامی خاتون جو کہ میری نگرانی پر معمور تھی وہ مجھے احمد فاروق اور رانا مزمل ظہور کے پاس لے گئے اور وہاں پر یہ ملزمان میرے ساتھ زیادتی کرتے رہے بعدازاں چیچہ وطنی کے ایک چک 28/11L میں لے گئے اور وہاں سے حماد قاسم،اللہ دتہ عادل اور ثمن منظور کے ہمراہ 461 (ای بی) میں لے آئے وہاں پر نشہ آور انجکشن لگا کر گھناﺅنا کھیل کھیلتے رہے جس سے میں حاملہ ہو گئی اور ایک غیر قانونی بچے کو بھی جنم دیا اور ملزمان نے 20 ماہ تک اپنی قید میں رکھ کر زیادتی کی عدالت نے میرے خاوند کو منشیات کے چھوٹے مقدمات سے بری کر دیا تو میں نے چوری موبائل فون سے سارا واقع اپنے خاوند کو بتایا اس نے مجھے اور بچوں کو برآمد کرنے کیلئے رجوع کیا تو ملزمان نے پولیس سے ملکر میرے خاوند پر ایک اور جھوٹا مقدمہ تھانہ صدر میں درج کروا دیا مجبوراً خاوند نے برآمدگی کیلئے لاہور ہائیکورٹ ملتان بنچ میں پٹیشن دائر کی تو بیلف نے مجھے اور بچوں کو عادل کھنڈ مسیح کے مکان سے 17-10-2019 کو برآمد کر کے تھانہ سٹی بورے والا پہنچا دیا پولیس نے میری قانونی مدد کی بجائے الٹا منشیات کے مقدمات میں پھنسانے کی دھمکیاں دیں تو بیلف نے مسٹر جسٹس سرفراز ڈوگر کی عدالت میں پیش کر دیا جس نے پولیس کو ملزمان کے خلاف قانونی کاروائی کا حکم دیا مگر ابھی تک میری کوئی شنوائی نہ ہوئی متاثرہ خاتون نیلم انجم نے ڈی پی او وہاڑی اور دیگر اعلیٰ احکام سے انصاف فراہم کرنے کا مطالبہ کیا ہے۔
About Author
