مقرر کردہ نرخوں پر آٹا فروخت کرنے کے احکامات پر آٹا چکی مالکان نے فروخت بند کر دی
بورے والا(چوہدری اصغر علی جاوید سے)انتظامیہ کی طرف سے مقرر کردہ نرخوں پر آٹا فروخت کرنے کے احکامات پر آٹا چکی مالکان نے فروخت بند کر دی،مارکیٹ سے 1600 روپے گندم خرید کر حکومت کے مقرر کردہ ریٹ پر آٹا فروخت کرنا ناممکن ہے،آٹا چکی مالکان کا موقف،آٹا چکیوں پر فروخت بند ہونے سے شہر میں آٹے کی شدید قلت کا اندیشہ،تفصیلات کے مطابق تحصیل و ضلعی انتظامیہ کی جانب سے مہنگائی کے خلاف مہم کے دوران آٹا سمیت دیگر اشیاء ضروریہ کی مقرر کردہ قیمتوں پر عمل درآمد نہ کرنے والے دوکانداروں کو بھاری جرمانوں کے بعد آٹا کی مہنگے داموں فروخت پر متعدد چکی مالکان کو بھی بھاری جرمانے کئے جانے کے خلاف چکی آٹا مالکان نے شدید احتجاج کرتے ہوئے آٹے کی فروخت بند کر دی انکا موقف ہے کہ حکومت جس طرح فلور ملز مالکان کو سرکاری نرخوں پر گندم کا کوٹہ فراہم کرتی ہے اسی طرح اگر چکی مالکان کو بھی 1300 روپے فی من گندم فراہم کی جائے تو ہم حکومت کے مقرر کردہ نرخوں پر ہی آٹا فروخت کرسکتے ہیں لیکن ہم مارکیٹ سے 1600 روپے کے حساب سے فی من گندم خرید کر سرکاری نرخوں پر آٹا فروخت نہیں کر سکتے اس لئے ہم نے فروخت ہی بند کر دی ہے آٹا چکی مالکان کی طرف سے آٹے کی فروخت بند کرنے سے شہر میں آٹے کی شدید قلت کا اندیشہ پیدا ہو گیا ہے جبکہ انتظامیہ کا کہنا ہے کہ اگر چکی مالکان سرکاری نرخ پر آٹا فروخت نہیں کریں گے تو بھاری جرمانوں کے علاوہ مقدمات بھی درج ہونگے۔
About Author
