ڈاکو بے لگام،پولیس بے بس،چوری اور ڈکیتیوں کا سلسلہ جاری،شہری لوٹنے پر مجبور
بورے والا(چوہدری اصغر علی جاوید سے)ڈاکو بے لگام،پولیس بے بس ہو گئی،شہر میں چوری اور ڈکیتیوں کا سلسلہ جاری،شہری لوٹنے پر مجبور،تفصیلات کے مطابق شہر اور مضافات میں ہر روز شہری گھروں بازاروں اور سڑکوں پر چوروں اور ڈاکوﺅں کے ہاتھوں لوٹے جا رہے ہیں چھ تھانوں اور پانچ پولیس چوکیوں کی پولیس اب تک ان وارداتوں پر قابو پانے میں بری طرح سے ناکام نظر آ رہی ہے گذشتہ روز زیڈ بلاک کا رہائشی مرزا محمد زین موٹر سائیکل پر اپنی بہن کو موٹر سائیکل پر اکیڈمی گلشن رحمان سے لینے کے لیے گیا تو شہر کے اندر ملتان روڈ پر تین نامعلوم مسلح ڈاکوﺅں نے روک لیا اور موٹر سائیکل ہنڈا 125 نمبری وی آر کے (26) چھین کر اسلحہ لہراتے ہوئے فرار ہو گئے،دوسری واردات میں جوئیہ بنگلہ پر دو نامعلوم ڈاکو غلام یٰسین سے تیس ہزار روپے نقدی چھین کر فرار ہو گئے،تیسری واردات میں وڑائچ ٹاﺅن کے رہائشی محمد عثمان مرضی پورہ میں اپنے رشتے داروں کو ملنے کے لیے گیا تو گھر کے باہر سے نامعلوم افراد موٹر سائیکل چھین کر لے گئے،چوتھی واردات ایک مسافر محمد حسین گگو ریلوے اسٹیشن پر ٹرین کے انتظار میں کھڑا تھا کہ چار نامعلوم ڈاکوﺅں نے تشدد کر کے نقدی پچاس ہزار روپے لوٹ لیے،غلام مصطفی سکنہ 213 (ای بی) کے ڈیڑھ لاکھ مالیت کے مویشی نامعلوم چور لے گئے،اڈا شاہ جنید پر نامعلوم ڈاکو علی احمد کو مزاحمت پر فائرنگ سے زخمی کر کے فرار ہو گئے،محمد شہزاد میڈیکل ریپ کی موٹر سائیکل غلہ منڈی کی مسجد کے باہر سے نامعلوم چور لے کر فرار،ایم بلاک کے رہائشی نادر خان کے گھر سے نامعلوم افراد طلائی زیورات اور نقدی چوری کر کے فرار ہو گئے،شہریوں کا موقف ہے کہ اب تک پولیس ان وارداتوں پر قابو پانے میں ناکام نظر آ رہی ہے اور بہت ساری وارداتوں کے مقدمات بھی پولیس درج نہیں کرتی ہے اس صورتحال سے شہری عدم تحفظ کا شکار ہیں انہوں نے آر پی او ملتان اور ڈی پی او وہاڑی سے نوٹس لینے کا مطالبہ کیا ہے۔
About Author
