مسئلہ کشمیر کے حل کیلئے قوم کا بچہ بچہ کشمیریوں کی آواز بنا ہوا ہے۔عرفان علی کاٹھیا

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ مسئلہ کشمیر کا حل وقت کی اہم ضرورت ہے،بھارتی طویل تسلط سے آزادی کشمیر کے مسلمانوں کا حق ہے جسکے حصول کیلئے کشمیریوں نے ہزاروں جانوں کے نذرانے بھی پیش کئے ہیں اب بھارت کی طرف سے کرفیو لگا کر بھارتی درندوں نے انکی زندگیاں اجیرن بنا رکھی ہیں اس وقت ضرورت اس امر کی ہے کہ مسئلہ کشمیر کے حل کیلئے دنیا بھر میں اپنا موقف اجاگر کرنے کیلئے قوم کے بچے بچے کو کشمیریوں کی آواز بننا ہو گا،ان خیالات کا اظہار انہوں نے ڈی پی ایس بورے والا میں یکجہتی کشمیر کے عنوان سے منعقدہ اردو تقریری مقابلہ جات میں بطور مہمان خصوصی خطاب کرتے ہوئے کیا تقریب میں سول سوسائٹی نیٹ ورک کے پیٹرن انچیف شیخ شہزاد مبین،پرنسپل ڈی پی ایس صلاح الدین،پی ٹی آئی کے راہنماءملک فاروق اعوان،پرنسپل گورنمنٹ کالج پروفیسر خوشی محمد شہزاد،(ر) پرنسپل پروفیسر راشد سدھو،سید زاہد حسین مشہدی،چوہدری قیصر نذیر،معروف سماجی شخصیت حاجی طالب حسین بھٹی اور دیگر شخصیات نے بھی شرکت کی تقریری مقابلہ جات میں کا الیشال ظفر نے پہلی پوزیشن حاصل کی معتسم احمد اور فاطمہ نعیم نے دوسری جبکہ کانتا شکور نے تیسری پوزیشن حاصل کی مجموعی طور پر جناح ہاﺅس نے پہلی،دیوان ہاﺅس نے دوسری اور اقبال ہاﺅس نے تیسری پوزیشن حاصل کی۔