پولیو کے خاتمہ کیلئے عالمی ادارہ صحت سالانہ 50 بلین ڈالر کی خطیر رقم خرچ کر رہا ہے۔ڈاکٹر شاہد اقبال

بورے والا(چوہدری اصغر علی جاوید سے)پولیو کے عالمی دن کے موقع پر ٹی ایچ کیو ہسپتال میں سیمینار کا انعقاد،سیاسی و سماجی،کاروباری،علمی اور دیگر نمائندہ شخصیات کی شرکت،ملک کے دیگر شہروں کی طرح ٹی ایچ کیو ہسپتال بورے والا میں محکمہ صحت کی طرف سے پولیو کے عالمی دن کے حوالہ سے سیمینار کا انعقاد کیا گیا جس میں ڈپٹی ڈسٹرکٹ ہیلتھ آفیسر ڈاکٹر شاہد اقبال،میڈیکل سپرنٹنڈنٹ ڈاکٹر محمد عمران بھٹی،سول سوسائٹی نیٹ ورک کے پیٹرن انچیف شیخ شہزاد مبین،کنونیئر عبدالرﺅف چوہدری،تحریک انصاف کے راہنماء ملک فاروق احمد اعوان،طارق محمود باجوہ،ڈپٹی ڈی ای او مسسز عابدہ اسلام،پرنسپل ڈی پی ایس صلاح الدین،پی ایس اے کے عہدیداران میاں صہیب عالم،عبدالسلام دانش،خواجہ منور،ڈاکٹر خالد محمود چوہدری،ڈاکٹر محمد حسین،ڈاکٹر محمد اسد،ڈاکٹر محمد عزیر،تاجر راہنماء شہزاد مصطفےٰ چوہان دیگر نمائندہ شخصیات نے بھی شرکت کی تقریب سے خطاب کرتے ہوئے ڈی ڈی ایچ او ڈاکٹر شاہد اقبال نے کہا کہ اس وقت دنیا میں دو ممالک ایسے ہیں جو پولیو فری نہیں ان میں افغانستان اور پاکستان شامل ہیں پولیو کے خاتمہ کیلئے عالمی ادارہ صحت سالانہ 50 بلین ڈالر کی خطیر رقم خرچ کر رہا ہے جسکے لئے پوری قوم کو سرکاری اداروں سے ملکر پاکستان کو پولیو فری بنانے میں اپنا کردار ادا کرنا ہو گا ضلع وہاڑی 2011 کے بعد آج تک پولیو فری ہے پولیو کے زیادہ تر کیسسز کے پی کے اور سندھ میں سامنے آتے ہیں جسکی بڑی وجہ شعور کی کمی ہے مقررین نے کہا کہ پاکستان کو پولیو فری بنانے کیلئے پاک فوج اور دیگر سیکورٹی اداروں کے علاوہ محکمہ صحت کے ملازمین نے اپنی جانیں تک دے دیں تقریب سے ملک فاروق اعوان اور میاں صہیب عالم نے بھی خطاب کیا۔