صحافی معاشرے کے مسائل اجاگر کرنے میں اہم کردار ادا کرتے ہیں۔عرفان علی کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ صحافت ایک مقدس پیشہ ہے اور صحافی معاشرے کے مسائل اجاگر کرنے میں اہم کردار ادا کرتے ہیں جس سے سرکاری اداروں کو راہنمائی ملتی ہے اور عوام کی خدمت بہتر انداز ہوتی ہے صحافیوں کے مسائل ترجیح بنیادوں پر حل کئے جا رہے ہیں تا کہ وہ اپنی پیشہ وارانہ ذمہ داریوں کو احسن طریقے سے ادا کر سکیں،ان خیالات کا اظہار انہوں نے اپنے آفس میں پریس کلب بورے والا اور صحافیوں کے معاملات کو افہام و تفہیم سے حل کرانے کے بعد گفتگو کرتے ہوئے کیا اس موقع پر اسسٹنٹ کمشنر بورے والا رانا اورنگزیب،ڈپٹی ڈائریکٹر پبلک ریلیشنز میاں نعیم عاصم،ندیم مشتاق رامے،اصغر علی جاوید (کامریڈ)،سمیع اللہ جٹ،ماجد امیر گجر،میاں شاہد سلیم،شہباز قریشی اور علاﺅ الدین موجود تھے ڈپٹی کمشنر عرفان علی کاٹھیا نے مزید کہا کہ ایسے تمام صحافی جو شرائط و ضوابط پر پورا اترتے ہیں پریس کلب کی ممبر شپ لینا ان کا حق ہے اور ممبر شپ کا سلسلہ باقاعدگی سے جاری رہنا چاہیے تا کہ ممبر شپ کے اہل صحافیوں کو پریس کلب میں ممبر شپ دی جاتی رہے انہوں نے مزید کہا کہ پریس کلب بورے والا کے معاملات کو حل کرنے کیلئے ایک کمیٹی بنائی گئی تھی جس نے اپنی سفارشات مرتب کر کے ضلعی انتظامیہ کو دی تھیں اور یہ سفارشات پریس کلب بورے والا کو دی گئیں تھیں ان سفارشات کی روشنی میں پریس کلب بورے والا کی سکرونٹی کمیٹی نے جائزہ لینے کے بعد پرنٹ میڈیا سے منسلک 6 صحافیوں کو ممبر شپ دینے کی تجویز دی ہے ان میں علاﺅ الدین چوہدری،ملک محمد نعیم جاوید،محمد شیر خان کھچی،ماجد امیر گجر،کاشف اقبال اور محمد شہباز قریشی شامل ہیں اسی طرح الیکٹرانک میڈیا سے ممبر شپ کے خواہش مند 3 اعزازی ممبران پر مشتمل ایک کوارڈینیشن کمیٹی قائم کی گئی ہے جن میں میاں شاہد سلیم،سمیع اللہ جٹ اور مسعود عابد رشید شامل جو الیکٹرانک میڈیا کیلئے تین ماہ کے اندر قواعد و ضوابط تیار ہونے تک پریس کلب کی انتظامیہ سے رابطے میں رہیں گے ان تمام تجاویز کیلئے سکرونٹی کمیٹی کو جنرل ہاﺅس کی منظوری حاصل ہے الیکٹرانک میڈیا کے حوالے سے پریس کلب کے آئین میں ترمیم کرنے کے بعد ٹی وی چینلز کے صحافیوں کو ممبر شپ دینے پر عملدرآمد کیا جائے گا مزید برآں کہ دو رکنی سکرونٹی کمیٹی میں طے کیا ہے کہ پرنٹ میڈیا سے وابستہ جن نمائندگان کی درخواستیں موجود نہیں ہیں وہ فوری طور پر پریس کلب کے آئین کے مطابق اپنی درخواستیں مکمل ریکارڈ کے ساتھ پریس کلب کی انتظامیہ کو جمع کروانے کے پابند ہوں گے تا کہ ان کی ممبر شپ کی کاروائی مکمل کی جائے الیکٹرانک میڈیا سے وابستہ صحافی اپنی درخواستیں پریس کلب کے آئین میں تبدیلی کے بعد طے شدہ قواعد وضوابط کے بعد جمع کروا سکیں گے۔
About Author
