پریس کلب کی ممبر شپ لینا صحافیوں کا حق ہے جیسے کسی صورت روکا نہیں جا سکتا۔عرفان علی کاٹھیا

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ پریس کلبز صحافیوں کی فلاح و بہبود کے ادارے ہیں پریس کلب کے ضابطے اور آئین پر پورا اترنے والے صحافی اس کی ممبر شپ کے حقدار ہیں پریس کلب بورے والا کی ممبر شپ کے معاملات کو ترجیح بنیادوں پر حل کیا جا رہا ہے،پریس کلب کی ممبر شپ لینا صحافیوں کا حق ہے جیسے کسی صورت روکا نہیں جا سکتا ہے بشر طیکہ قواعد و ضوابط کو پورا کیا جائے،ان خیالات کا اظہار انہوں نے اپنے آفس میں پریس کلب بورے والا کے معاملات کے حوالے سے ایک اجلاس کی صدارت کرتے ہوئے کیا اس موقع پر اے سی بورے والا رانا اورنگزیب،ڈپٹی ڈائر یکٹر انفارمیشن اینڈ پبلک ریلشنز میاں نعیم عاصم،ڈی او انڈسٹریز راشد بتول،صدر پریس کلب بورے والا ندیم مشتاق رامے،جنرل سیکرٹری اصغر علی جاوید،چیئرمین اصغر علی جاوید (کامریڈ)،صحافی راﺅ افضل اور علاوہ الدین بھی موجود تھے ڈپٹی کمشنر وہاڑی عرفان علی کاٹھیا نے مزید کہا کہ صحافیوں اور پریس کلب کے تمام معاملات کو افہام و تفہیم سے حل کیا جائے گا تا کہ احسن انداز سے معاملا ت کو چلایا جا سکے کسی کو بھی امن و امان میں خلل ڈالنے کی اجازت نہیں دی جائے گی کسی بھی شخص کو صورتحال کو خراب کرنے کی اجازت نہیں دی جائے گی۔