تحریک پاکستان میں خواتین کا کر دار نہایت اہم رہا ہے،طالبات اپنی تعلیم پر بھر پور توجہ دیں ۔ شائستہ طاہر اقبال

وہاڑی(نمائندہ خصوصی)محترمہ شائستہ طاہر اقبال چوہدری نے کہا ہے کہ تحریک پاکستان میں خواتین کا کردار نہایت اہم رہا ہے اب تعمیر پاکستان میں بھی خواتین زندگی کے مختلف شعبوں میں کار ہائے نمایاں انجام دے رہی ہیں،ان خیالات کا اظہار انہوں نے ضلع بھر کے سرکاری و پرائیو یٹ خواتین کالجز کی طالبات کے مابین ذہنی آزمائش اور شعری مقابلے سے خطاب کر تے ہوئے کیا اس موقع پر ڈاکٹر تسنیم رحمان،مس حنا آتش اور مسز فریحہ چوہدری کے علاوہ طالبات کی بڑی تعداد موجود تھی پرنسپل گورنمنٹ پوسٹ گریجوایٹ گرلز کالج وہاڑی مسز نجمہ گلزار نے کہا کہ طالبات اپنی تعلیم پر بھر پور توجہ دیں اور امور خانہ داری سیکھنے کے ساتھ ساتھ مختلف علوم و فنون سے بھی آگا ہی حا صل کریں تاکہ انہیں جب بھی ملک و قوم کی خدمت کا مو قع میسر آئے تو اپنی صلاحیتوں کا بھرپور اظہار کریں ذہنی آزمائش کے مقابلہ میں گورنمنٹ خواتین کالج وہاڑی کی طالبات آمنہ مشتاق اور حنفہ اختر نے پہلی پوزیشن،گورنمنٹ کالجز برائے خواتین بورے والا کی طالبات علینہ ارشاد اور حدیقہ ناز نے دوسری،اسپا ئر کالج وہاڑی کی طالبات ماریہ مجید اور ماریہ بتول نے تیسری پوزیشن حاصل کی شعری مقابلہ میں گورنمنٹ کالج برائے خواتین وہاڑی کی طالبہ ماہ نور نے پہلی،پنجاب کالج بورے والا کی مائرہ ریاض نے دوسری اور گورنمنٹ کالج بر ائے خواتین وہاڑی کی طالبہ اقراء ارشد نے تیسری پوزیشن حاصل کی تقر یب کے اختتام پر قومی ترانہ پڑھا گیا ججز کے فرائض ڈاکٹر تسنیم رحمان،مس حنا آتش اور مسز فریحہ چوہدری نے انجام دیئے۔