پاکستان مسلم لیگ(ن) کی حکومت کا چھٹا اور آخری بجٹ،سرکاری ملازمین کیلئے خوشخبری
اسلام آباد(نمائندہ خصوصی)مسلم لیگ(ن) کی حکومت کا چھٹا اور آخری بجٹ،سرکاری ملازمین کیلئے خوشخبری،تفصیلات کے مطابق وزیر خزانہ مفتاح اسماعیل نے بجٹ 2018.19 پارلیمنٹ میں پیش کر دیا،بجٹ کا کل حجم 56کھرب61ارب روپے ہے،بجٹ تقریر میں ان کا کہنا تھا کہ نئی مالی سال کا بجٹ پیش کرنا حکومت کی ذمہ داری ہے،بجٹ پیش کیے بغیر حکومت ایک دن بھی نہیں چل سکتی،بجٹ پاس نہیں ہوا تو بزنس مین کچھ پلان نہیں کر سکتے،ملک میں بڑے پیمانے پر کارخانے بند ہو رہے تھے اور کسانوں کے پاس ٹیوب ویل چلانے کیلئے بجلی نہیں تھی،بجٹ میں کم از کم پنشن 6ہزار سے بڑھا کر 10ہزار روپے کر دی گئی ہے تمام پنشنرز کیلئے یکساں 10فیصد اضافے کی تجویز بھی دی گئی ہے،سرکاری ملازمین کیلئے ہاؤس رینٹ میں 50فیصد اضافے کی تجویز دی گئی ہے کراچی کیلئے 25ارب کے خصوصی پیکج کا اعلان بھی کیا گیا ہے،قومی اسمبلی میں بجٹ تقریر کے شروع ہوتے ہی اپوزیشن جماعتوں نے احتجاج شروع کر دیا،اپوزیشن کی جانب سے اسپیکر کے ڈائس کا گھیراؤ کیا گیا اور نعرے بازی کی گئی،اپوزیشن اراکین نے وزیر خزانہ کو بھی تقریر کرنے سے کئی بار روکنے کی کوشش کی اس دوران اپوزیشن نے بجٹ اجلاس سے واک آؤٹ بھی کیا حکومتی اراکین اور اپوزیشن کے درمیان شدید تلخ کلامی بھی ہوئی وزیر خزانہ مفتاح اسماعیل نے بتایا کہ ملک دہشت گردی کی لپیٹ میں تھا بدعنوانی اور دہشت گردی عام تھی آج پاکستان دنیا کی 24ویں بڑی معیشت ہے اندرونی اور بیرونی حالات کے باعث برآمدات کا شعبہ دباؤ کا شکار رہا ہے
پی ٹی آئی رکن مراد سعید مسلم لیگ(ن)کے راہنما عابد شیر علی پر جھپٹ پڑے،وزیر خزانہ نے بتایا کہ کپاس،گنے اور چاول سمیت دیگر فصلوں میں واضح اضافہ ریکارڈ کیا گیا،صنعتی شعبے میں 5.8فیصد اضافہ ہوا،معیشت کا حجم 34ہزار ارب سے بڑھ چکا ہے،افراطزر کی شرح 3.8فیصد رہی،5برسوں کے دوران ٹیکس وصولیوں میں ریکارڈ اضافہ ہوا کاروبار اور صنعت میں ترقی آئی، روزگار کے مواقع پیدا ہوئے،نجی شعبے کے قرضوں میں 383فیصد اضافہ ہوا،گزشتہ 9ماہ کے دوران برآمدات میں 13فیصد اضافہ ہوا،بجٹ 19-2018ء خواتین اور انسانی حقوق کیلئے 30کروڑ روپے مختص ہے،حالیہ سال زرعی شعبے کی ترقی کی شرح 3.58فیصد رہی،سی پیک کے تحت مختلف منصوبوں میں وسیع سرمایہ کاری ہو رہی ہے،زرعی شعبے کو 800ارب روپے کے قرضے دے رہے ہیں،معیشت کا حجم 34ہزار ارب سے بڑھ چکا ہے شرح سود میں کمی کی وجہ سے کاروبار میں اضافہ ہوا وزیر خزانہ نے بتای اکہ وزیر اعظم ہیلتھ پروگرام کا دائرہ ملک بھر میں پھیلانے کا فیصلہ کیا گیا ہے ہیپاٹائٹس کی دواؤں کی قیمتیں کم ترین سطح پر لانے کا فیصلہ بھی کیا گیا ہے انہوں نے بتایا کہ ملک کے 40فیصد بچےغذائی قلت کا شکار ہیں،2020ء تک بچوں کی غذائی قلت کا مسئلہ ختم ہو جائے گا وفاقی حکومت کی جانب سےتعلیم کے شعبے میں نئے پروگرام کا آغاز بھی کیا جا رہا ہے وزیر خزانہ نے بتایا کہ 100فیصد بچوں کےداخلے کیلئے پروگرام شروع کیا جا رہا ہے۔
About Author
