لاکھوں کسان 15 اکتوبر کو مہنگائی کے خلاف اسلام آباد کی طرف مارچ کریں گے۔چوہدری انور
بورے والا(چوہدری اصغر علی جاوید سے)پاکستان کسان اتحاد کے مرکزی صدر چوہدری محمد انور نے کہا ہے کہ ملک بھر کے لاکھوں کسان 15(اکتوبر) کو مہنگائی،جعلی بیجوں کی فروخت،بجلی کی قیمتوں میں اضافہ اور کسانوں پر جھوٹے مقدمات کے خلاف اسلام آباد کی طرف مارچ کریں گے جہاں ہم مطالبات کے حق میں احتجاجی دھرنا دینگے اگر کسانوں کے مارچ کو روکنے کی کوشش کی گئی تو کسان رکاوٹیں توڑ کر اسلام آباد پہنچیں گے،حکومت ملک میں مہنگائی پر قابو پانے،کسانوں کو ریلیف دینے اور عوام سے کئے گئے وعدے پورے کرنے میں ناکام ہوچکی ہے،ایک سال کا عرصہ گزر جانے کے باوجود کسی بھی شعبہ میں تبدیلی کی بجائے مزید بگاڑ پیدا ہو گیا ہے،جنوبی پنجاب میں سیڈ مافیا اور پیسٹی سائیڈ کمپنیوں کے جعلی سیڈ اور غیر معیاری سپرے نے ہزاروں ایکڑ رقبہ پر کاشت کی گئی فصلیں تباہ کر دی ہیں،ٹیوب ویل اور عام گھریلو صارفین کیلئے مہنگی بجلی،کسانوں پر جھوٹے اور بے بنیاد مقدمات نے کسانوں کو معاشی طور پر زندہ درگور کر دیا ہے،وزیر اعلیٰ پنجاب نے کسانوں کے مطالبات پورے کرنے کا جو وعدہ کیا تھا اسے فراموش کر دیا گیا ہے،وزیر اعلیٰ مکمل طور پر صوبہ چلانے میں ناکام ہیں وہ بھنگ پی کر سو رہے ہیں،عوام کی زندگیاں اجیرن بنی ہوئی ہیں اگر حکومت نے ہوش کے ناخن نہ لیئے اور ہمارے مطالبات پورے نہ کئے تو کسانوں کا دھرنا حکومت کو لے ڈوبے گا،ان خیالات کا اظہار انہوں نے گلشن رحمان میں کسانوں کے ایک اجتماع سے خطاب کرتے ہوئے کیا اجتماع سے مرکزی کوآرڈینٹر ملک ذوالفقار حسین اعوان،سابق صدرو حق نواز بھٹی،میاں طاہر کمبوہ،ندیم سجاد جٹ،چوہدری محبوب اختر منہاس،محمد امین اعوان،چوہدری عمران وڑائچ،مہران علی چوہدری اور دیگر نے بھی خطاب کیا چوہدری محمد انور نے کہا کہ ڈی سی اور ڈی پی اوز عوام کو ریلیف دینے میں ناکام ہوچکے ہیں اداروں کی کارکردگی پہلے سے بھی بدتر ہوچکی ہے عمران خان نے اقوام متحدہ میں کشمیر کا مقدمہ بہت اچھے طریقے سے لڑا ہے اور مودی کمینے کا اصل چہرہ دنیا کے سامنے بے نقاب کیا ہے جس پر وہ مبارکباد کے مستحق ہیں لیکن ہم عمران خان سے پوچھتے ہیں کہ جب ملک کا پیسہ باہر جائے گا تو مہنگائی کیسے کنٹرول ہو گی جس حکومت کو جہانگیر ترین چلا رہے ہونگے تو بہتری کی امید کیسے کی جاسکتی ہے۔
About Author
