عملی میدان میں کامیابی کے اصولوں کو اپنائے بغیر کسی بھی میدان میں کامیابی ناممکن ہے۔میاں آصف

بورے والا(چوہدری اصغر علی جاوید سے)پرنسپل سپیریئر کالج میاں آصف سردار نے کہا ہے کہ عملی میدان میں کامیابی کے اصولوں کو اپنائے بغیر کسی بھی میدان میں کامیابی ناممکن ہے ان راہنماء اصولوں میں خود اعتمادی سب سے پہلا اصول ہے کیونکہ خود اعتمادی کے بغیر منزل کا حصول ناممکن ہوتا ہے موجودہ وسائل کا درست استعمال،حوصلہ افزائی کے ذریعے چھپی ہوئی صلاحیتوں سے فائدہ اٹھانا اور وقت کی قدر کرنا ایسے راہنماء اصول ہیں جو نئی نسل کو انکی منزل کے تعین اور اس میں کامیابی کیلئے غیر معمولی اہمیت کے حامل ہیں نئی نسل کی تعلیم و تربیت اور انہیں معاشرے کا ایک سود مند شہری بنانے کیلئے انکی ہر مقام پر راہنمائی کرنی چاہیے،ان خیالات کا اظہار انہوں نے مقامی ہوٹل میں ہاوس آف انٹلیکچوئل کے زیر اہتمام منعقدہ ”منزل موٹیویشنل سیمینار“ سے خطاب کرتے ہوئے کیا سیمینار سے معروف دانشور علمی و ادبی شخصیت وائس پرنسپل گورنمنٹ کالج پروفیسر راشد سدھو اور سول سوسائٹی نیٹ ورک کے صدر عبدالروف چوہدری کے علاوہ دیگر مقررین نے بھی خطاب کیا اس موقع پر ڈائریکٹر سپیریئر کالج ظل حسین، چیئرمین گلوبل یوتھ آرگنائزیشن سید سجاد حسین بخاری،سید زاہد حسین مشہدی،جنرل سیکرٹری پریس کلب چوہدری اصغر علی جاوید،محمد شیر خاں کھچی،سرفراز علی رانا،میاں طیب شریف،سید اظہر گیلانی اور دیگر نمائندہ شخصیات بھی موجود تھیں۔