نواحی گاﺅں 199ای بی بنیادی مرکز صحت بھوت بنگلہ بن گیا،دیواریں اور کھڑکیاں ٹوٹ پھوٹ کا شکار
بورے والا(چوہدری اصغر علی جاوید سے)نواحی گاﺅں 199ای بی بنیادی مرکز صحت بھوت بنگلہ بن گیا،مرکز صحت کے چوکیدار نے ہسپتال کو مویشیوں کا بھانہ بنا لیا،دیواریں اور کھڑکیاں ٹوٹ پھوٹ کا شکار،پینے کیلئے پانی نایاب،بلڈنگ بری طرح تباہ،میل میڈیکل آفیسر نہ ہونے سے مرد حضرات علاج معالجہ سے محروم،علاقہ مکینوں کا اعلیٰ حکام سے فوری نوٹس لینے کا مطالبہ، تفصیلات کے مطابق نواحی گاﺅں 199ای بی میں واقع محکمہ صحت کا بنیادی مرکز صحت عرصہ دراز سے عدم توجیہی کے باعث بھوت بنگلے کا منظر پیش کر رہا ہے ہسپتال کے دروازے اور کھڑکیاں ٹوٹ پھوٹ کا شکار ہو کر کھنڈرات کا منظر پیش کر رہے ہیں بنیادی مرکز صحت کے چوکیدار نے ہسپتال کے احاطہ کو مویشیوں کا بھانہ بنا دیا ہے گھاس پھوس اور کوڑا کرکٹ کی وجہ سے ہسپتال ویران نظر آ رہا ہے ہسپتال کی بلڈنگ محکمہ صحت کی عدم توجہ کے باعث بری طرح تباہ ہو چکی ہے ہسپتال میں تعینات اکلوتی لیڈی ڈاکٹر صرف خواتین کا چیک اپ کر کے اُنہیں طبی سہولت فراہم کر رہی ہے جبکہ میل میڈیکل آفیسر نہ ہونے کی وجہ سے ہزاروں مرد حضرات اپنے علاج و معالجہ کی سہولت سے محروم ہو چکے ہیں یونین کونسل کے تمام دیہات اور ملحقہ آبادیوں کے علاقہ مکین اس بھوت بنگلہ نما بنیادی مرکز صحت پر محکمہ صحت کی عدم توجہ کی وجہ سے طبی سہولتوں سے محروم ہو کر رھ گئے ہیں اور پنجاب حکومت کے عوام کو صحت کی بنیادی سہولتیں فراہم کرنے کے تمام دعوے دھرے کے دھرے رھ گئے ہیں اس صورتحال میں علاقہ مکینوں نے مقامی کونسلرز چوہدری عبدالرﺅف،ساجدہ پروین،ملک محمد مجاہد اعوان ایڈووکیٹ،ملک محمد سلیم،ملک محمد طالب حسین،سردار علی،منور خاں،غلام رسول،خالد محمود،غلام نبی مغل،محمد اصغر کے دیگر اہل علاقہ نے محکمہ صحت کی اس مجرمانہ غفلت کے خلاف احتجاجی مظاہرہ کرتے ہوئے سیکرٹری صحت پنجاب،ڈی جی ہیلتھ پنجاب اور ڈپٹی کمشنر وہاڑی سے فوری نوٹس لینے کا مطالبہ کیا ہے۔
About Author
