ہوٹلوں،بیکریوں اور مٹھائی کی دوکانوں پر صفائی کے انتہائی ناقص انتظامات،کام کرنے والا عملہ موذی امراض میں مبتلا

بورے والا(چوہدری اصغر علی جاوید سے)ہوٹلوں،بیکریوں اور مٹھائی کی دوکانوں پر صفائی کے انتہائی ناقص انتظامات،کام کرنے والا عملہ موذی امراض میں مبتلا،فوڈ اتھارٹی خاموش تماشائی بنی ہوئی ہے،تفصیلات کے مطابق بورے والا شہر باالخصوص لاری اڈہ،عارف بازار اور گرد و نواح میں بڑے بڑے نامی گرامی ہوٹلوں،ڈھابہ ہوٹلوں،بیکری،مٹھائی کی دوکانوں،شوارما اور برگر پوائنٹ پر صفائی کے انتہائی ناقص انتظامات ہیں سارا دن ہوٹلوں کے باورچی خانوں،مٹھائی،بیکری کی دوکانوں اور فوڈ پوائنٹ پر مکھیاں اور حشرات الارض بھنکتے ہوئے غلاظت پھیلاتے نظر آتے ہیں جبکہ رات کے وقت ان خالی پھٹوں،فوڈ آئٹم تیار کرنے والے کارخانوں کے باورچی خانوں میں آوارہ بلیوں اور کتوںنے ڈیرے ڈالے ہوتے ہیں جو سارا دن کی باقیات چوستے اور کھاتے نظر آتے ہیں جبکہ ان ہوٹلوں،بیکریوں اور مٹھائی کی دوکانوں میں کام کرنے والے عملہ کی بھی محکمہ صحت سے کوئی سکریننگ نہ ہونے سے مختلف امراض میں مبتلا عملہ سے موذی امراض شہریوں میں منتقل ہو رہی ہیں جس سے یرقان،جلد اور متعدی امراض تیزی سے پھیل رہی ہیں ذرائع سے معلوم ہوا ہے کہ برگر پوائنٹ اور شوارما پوائنٹ پر استعمال ہونے والا گوشت بھی لاغر اور بیمار مرغیوں کا ہوتا ہے ینگ لائرفورم کے صدر افتخار احمد،سمیع اللہ جان ایڈووکیٹ،انجمن حقوق شہریاں کے صدر محمد رحمان کھوکھر،محمد سرور،سید اخلاق احمد شاہ،شاہین افضل بگیانوالہ و دیگر سماجی و فلاحی اور عوامی حلقوں نے ڈپٹی کمشنر وہاڑی،فوڈ اتھارٹی اور اعلیٰ حکام سے فوری نوٹس لینے کا مطالبہ کیا ہے۔