نویں کلاس کے طالبعلم کو ساتھی کلاس فیلو نے سینے میں ٹانگ اور گھونسے مار کر جان لے لی

بورے والا(چوہدری اصغر علی جاوید سے)کھیل ہی کھیل میں کلاس فیلو سے جھگڑے نے نہم کلاس کے طالب علم کی جان لے لی،15سالہ نویں کلاس کے طالبعلم کو ساتھی کلاس فیلو نے سینے میں ٹانگ اور گھونسے مار کر جان لے لی،پولیس نے مقدمہ درج کرکے کاروائی شروع کر دی،تفصیلات کے مطابق نواحی گاﺅں461ای بی کا رہائشی 15سالہ شہرون جو کہ ایک روز قبل نویں کلاس میں داخلے کے لیے ایم سی بوائز ہائی سکول بورے والا آیا اور آج دوسرے روز جب کلاس انچارج پریڈ ختم ہونے کے بعد واش روم گیا اسی دوران کلاس کے بچوں نے کلاس روم سے باہر برآمدے میں کھیلنا شروع کر دیا کھیل ہی کھیل میں شہرون کا اپنے دوسرے کلاس فیلو احمد رضا سے جھگڑا ہو گیا اور دوران کشمکش احمد رضا نے شہرون کے سینے میں گھونسے دے مارے جس سے شہرون زمین پر گرتے ہی بے ہوش ہو گیا ٹیچرز اور طلباءاُسے فوری طور پر تحصیل ہیڈکوارٹر ہسپتال لے گئے مگر وہ راستے میں جان کی بازی ہار گیا ساتھی طلباءنے بتایا کہ انہوں نے دونوں کو چھڑانے کی کوشس بھی کی لیکن سینے پر لگنے والا گھونسا شہرون کی جان لے گیا پولیس نے موقع پر پہنچ کر کلاس کے بچوں اور اساتذہ کے بیانات قلمبند کئے حادثے کے بعد گھونسا مارنے والا ملزم طالبعلم احمد رضا موقع سے فرار ہو گیا جس کی گرفتاری کے لئے پولیس نے چھاپے مارنا شروع کر دیئے،جاںبحق ہونے والا طالبعلم اور ملزم دو روز قبل ہی سکول میں داخلے کے لئے آئے تھے غمزدہ ماں نے اپنے بیٹے کے قاتل کو کڑی سزا دینے کا مطالبہ کیا ہے کلاس ٹیچر نذیر احمد موہل نے بتایا کہ وہ پریڈ پڑھا کر واش روم گیا تھا واپس آیا تو یہ حادثہ رونما ہو چکا تھا بچوں کے نام ابھی داخل نہیں ہوئے تھے دونوں ہی پرائیویٹ طور پر کلاس میں بیٹھے ہوئے تھے پولیس تھانہ ماڈل ٹاﺅن نے شہزون کے والد الیاسب مسیح کی درضخواست پر ملزم احمد رضا سکنہ 431ای بی اور ایک نامعلوم طالبعلم سمیت دو طلباءکے خلاف قتل کا مقدمہ درج کر لیا۔