انسانیت کی خدمت میں جو قلبی سکون ملتا ہے وہ کسی دوسری عبادت میں نہیں ملتا۔شیخ شہزاد

بورے والا(چوہدری اصغر علی جاوید سے)سول سوسائٹی نیٹ ورک کے پیٹرن انچیف شیخ شہزاد مبین نے کہا ہے کہ انسانیت کی خدمت میں جو قلبی سکون ملتا ہے وہ کسی دوسری عبادت میں نہیں ملتا،تمام تر عبادات ہم پر فرض ہیں لیکن دکھی انسانیت کی خدمت سب سے افضل عبادت ہے،نوجوان نسل کا سماجی کاموں میں حصہ لینا بہت خوش آئند ہے جو نوجوان تعلیم کے حصول کے ساتھ ساتھ انسانیت کی خدمت کیلئے کوشاں ہیں وہ دوسروں کیلئے مثال ہیں،ہر شخص کو اپنے طور پر کسی بھی سطح پر سماج کی خدمت کرنی چاہئے،ان خیالات کا اظہار انہوں نے نوجوانوں کی سماجی تنظیم ”سٹپ اپ بورے والا“ کی تقریب تقسیم اسناد و ایوارڈز میں بطور مہمان خصوصی خطاب کرتے ہوئے کیا تقریب سے وزیر اعلیٰ شکایات سیل ضلع وہاڑی کے وائس چیئرمین احسن ایوب بندیشہ نے خطاب کرتے ہوئے کہا کہ نوجوان ہمارا مستقبل اور قیمتی اثاثہ ہیں نوجوان نسل نے عمران خان کو وزیر اعظم بنا کر یہ ثابت کیا کہ وہ ملک میں انصاف کا بول بالا چاہتے ہیں اسی لئے حکومت نوجوانوں کو سماجی خدمات کے خوالہ سے ہر حکومتی منصوبے میں اولین ترجیح دے گی اور انکی خدمات سے تبدیلی کا یہ سفر کامیابی سے ہمکنار ہوگا تقریب سے پرنسپل لاوئی انسٹیٹیوٹ امجد شہزاد،ڈائریکٹر محمد ذیشان،میاں طیب اور فاﺅنڈر اینڈ سی ای او احسن شہزاد نے بھی خطاب کیا اس تقریب میں ڈپٹی کنونیئر سول سوسائٹی نیٹ ورک و جنرل سیکرٹری پریس کلب چوہدری اصغر علی جاوید،پروفیسر کرامت شکیل،جنرل سیکرٹری بار چوہدری خرم ریاض،ندیم صابر،پی ٹی آئی کے راہنما حافظ محمد امجد،صدر سٹپ اپ بورے والا غزالی افضل،نائب صدر اسامہ مشتاق،جنرل سیکرٹری وسیم اکرم،دانش ارشاد،مبین شہزاد،محمد لطیف،اویس رمضان،محمد اویس،علی حمزہ نذیر،عثمان غنی اور ٹیم ممبران بھی موجود تھے تقریب میں ٹیم ”سٹپ اپ بورے والا “ کی جانب سے اعلان کیا گیا کہ بہت جلد بورے والا میں ایک ایسا سکول بنایا جائے گا جس میں غریب اور مستحق بچوں کو بین الاقوامی سطح کے مطابق مفت کتابیں،یونیفارم اور تعلیم دی جائے گی۔