سول سوسائٹی کی طرف سے 50ہزار پودے تقسیم کرنے کا عزم قابل ستائش ہے۔عرفان علی کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ پودے لگانے سے ہم اپنے ماحول کو آلودگی اور تیزی سے بڑھتی ہوئی موسمی تبدیلیوں سے بچا سکتے ہیں،درخت قدرت کا ایک بہت بڑا عطیہ ہے درخت لگانا صدقہ جاریہ اور جانداروں کی زندگیوں کو تحفظ فراہم کرنا ہے ہمیں اپنی نوجوان نسل میں بھی درخت لگانے کا جذبہ پیدا کرنا ہے،ان خیالات کا اظہار انہوں نے ڈویژنل پبلک سکول بورے والا میں پلانٹ فار پاکستان کے حوالے سے شجرکاری مہم موسم بہار کے موقع پر منعقدہ ایک تقریب سے خطاب کرتے ہوئے کیا اس موقع پر اسسٹنٹ کمشنر بورے والا حسنین خالد سنپال،ایکسین بلڈنگ نثار احمد،پی ٹی آئی کے راہنما سردار خالد نثار ڈوگر،تحصیل صدر طارق محمود باجوہ،سٹی صدر ملک فاروق اعوان،پروفیسر راشد سندھو،ڈپٹی ڈائریکٹر انفارمیشن میاں نعیم عاصم،پرنسپل صلاح الدین،معزین علاقہ،اساتذہ اور طلباء و طالبات کی کثیر تعداد موجود تھی ڈپٹی کمشنر عرفان علی کاٹھیا نے کہا کہ موجودہ حکومت اور وزیر اعظم پاکستان شجرکاری پر خصوصی توجہ دے رہے ہیں اور پورے ملک میں شجرکاری مہم شروع کی گئی ہے اور حکومت کی طر ف سے تمام اضلاع کو پودے لگانے کے ٹارگٹ دیئے گئے ہیں ہمیں اپنی آنے والی نسلوں کو آلودگی اور دیگر موسمی تغیرات سے بچانے کیلئے خصوصی مہم چلانی ہو گی انہوں نے مزید کہا کہ بورے والا میں سول سوسائٹی نیٹ ورک اور شہریوں نے گزشتہ سال بھی جذبے سے پورے شہر میں درخت لگائے ہیں اب بھی مزید 50ہزار پودے لگانے کے جس عزم کا اظہار کیا ہے وہ قابل ستائش ہے جائیں گے ہائی وے کے درمیان جو غیر ضروری کٹ لگے ہوئے ہیں وہاں پر ڈرم رکھ کر ان میں پودے لگائے جائیں گے جو کہ خوبصورت بھی لگیں گے اور فائدہ مند بھی ہوں گے تقریب میں ڈی پی ایس سکول کے بچوں نے اپنی تقاریر اور ٹیبلوز کے ذریعے خوبصورت انداز میں درختوں کی اہمیت اور افادیت سے آگاہ کیا بعدازاں ڈپٹی کمشنر وہاڑی عرفان علی کاٹھیا نے ڈویژنل پبلک سکول بورے والا کے لان میں پودا لگا کر شجرکاری مہم کا آغاز بھی کیا۔
About Author
