ضلع وہاڑی میں ڈرگ کے نئے قوانین کے تحت سو فیصد ٹارگٹ پورا کر لیا گیا ہے۔عرفان علی کاٹھیا

بورے والا(چوہدری اصغر علی جاوید سے)عوام کو معیاری ادویات کی فراہمی کے لیے ڈپٹی کمشنر وہاڑی عرفان علی کاٹھیا کے حکم پر انسانی زندگی بچانے والی ادویات کی خرید و فروخت اور ان کو سٹورز کرنے بارے تحصیل بورے والا کے میڈیکل سٹورز اور ڈسٹری بیوٹرز کو آگاہی دینے کے لیے گذشتہ روز ایک مقامی ہوٹل میں آگاہی سیمینار منعقد ہوا جس میں اسسٹنٹ کمشنر بورے والا حسنین خالد،چیف ایگزیکٹیو ڈاکٹر ارشد ملک، ڈی ایچ او ڈاکٹر خالد محمود،ڈسٹرکٹ سیکرٹری ڈرگ کنٹرول بورڈ روبینہ تاج،تحصیل ڈرگ انسپکٹرز جونسن گل عمران رشید اور ملک حماد حسن کمیسٹوں فارماسٹوں چوہدری طالب حسین،طارق محمود،محمد شریف بھٹی،حاجی نصیر احمد،گلزرا احمد،شیر احمد،محمد بخش،اللہ بخش،اطہر بھٹی،محمد یونس،محمد شریف،اعجاز احمد،مون بھٹی،محمد اصغر،ملک فاروق سمیت دیگر سینکڑوں نے شرکت کی اسسٹنٹ کمشنر حسنین خالد نے کہا کہ اس شعبہ سے منسلک افراد اپنے روزگار کے حصول کیلئے ساتھ ساتھ عوام کو معیاری ادویات فراہم کر کے قوم کی خدمت بھی کر رہے ہیں کمیسٹوں کے جائز مسائل کے حل کے لیے وہ ہمہ وقت تعاون کے لیے حاضر ہیں سیکرٹری روبینہ تاج نے کہا کہ ضلع وہاڑی میں ڈرگ کے نئے قوانین کے تحت سو فیصد ٹارگٹ پورا کر لیا گیا ہے میڈیکل سٹورز مالکان اپنے سٹورز پر کوالیفائیڈ پرسن کی زیر نگرانی ادویات کو فروخت کریں بلا لائسنس ادویات کو فروخت کرنا جرم ہے قانون میں جس کی اب سزائیں بڑھا دی گئی ہیں سٹورز مالکان اس پریشانی سے بچنے کے لیے ڈرگ قوانین پر سختی سے عمل کریں ڈرگ اسپکٹر وہاڑی عمران رشید نے کہا کہ ڈاکٹر کے نسخہ کے بغیر دوائی فروخت نہ کی جائے نشہ آور اور سٹیرائیڈ ادویات کا اندراج اپنے رجسٹرڈ میں کریں ڈرگ انسپکٹر میلسی ملک حماد حسن نے کہا کہ ڈسٹری بیوٹرز قانون کے مطابق کمیسٹوں کو بل وارنٹی جاری کریں اور کمیسٹوں پر یہ بھاری ذمہ داری عائد ہوتی ہے کہ وہ صرف ایسے ڈسٹری بیوٹر سے ادویات خریدیں جن کے پاس ادویات بنانے والی کمپنی کی ڈسٹری بیوشن ہو کوئی بھی ادویات ہول سیلر سے نہ خریدیں کیونکہ قانون کے مطابق اس کے پاس بل وارنٹی دینے کا کوئی اختیار نہ ہے اور ادویات خریدتے وقت اے کیٹگری کے حامل ڈسٹری بیوٹروں سے ادویات خرید کریں ڈرگ انسپکٹر تحصیل بورے والا جانسن گل نے کہا کہ میڈیکل سٹوروں اور فارمیسوں کو دئیے گئے سائز اور بورڈز کو منظور شدہ کلر کے مطابق رکھیں فارمیسوں کے اندر ٹمپریچر کو مینٹین رکھے تا کہ سٹور میں پڑی ہوئی ادویات کا معیار برقرار رہ سکے۔