یوم دفاع کے موقع پر سماجی شخصیت شیخ شہزاد مبین کی جانب سے 3ہزار پودے مفت تقسیم،شہریوں میں جوش و خروش

بورے والا(چوہدری اصغر علی جاوید سے)یوم دفاع پاکستان پر شہداء کو خراج تحسین پیش کرنے کیلئے بورے والا کی سماجی شخصیت شیخ شہزاد مبین کی جانب سے 3ہزار پودے مفت تقسیم کئے گئے،شہریوں میں جوش و خروش،تفصیلات کے مطابق ملک بھر کی طرح آج بورے والا میں بھی یوم دفاع پورے ملی جوش وجزبہ سے منایا گیا ملکی سرحدوں کی حفاظت میں جانوں کے نذرانے پیش کرنے والے پاک فوج کے شہداء کو خراج تحسین پیش کرنے کیلئے بورے والا کی مخیر شخصیت شیخ شہزاد مبین نے آج گرین بورے والا موومنٹ،سول سوسائٹی اور میڈیا کی مدد سے شہداء کے نام پر ملک کو سرسبز بنانے کیلئے شہریوں میں مفت پودے تقسیم کرنے کیلئے کیمپ کا انعقاد کیا جہاں شہداء اور وطن سے محبت کرنے والے ہزاروں شہریوں نے مفت پودے حاصل کیے اور چیف آف آرمی سٹاف کے سرسبز و شاداب پاکستان کو کامیابی سے ہمکنار کرنے کا عزم بھی کیا اس کیمپ میں شہریوں کو ایک شناختی کارڈ پر دو خوبصورت پودے تقسیم کیے گئے واضح رہے کہ سرسبز و شاداب پاکستان تحریک کو کامیاب بنانے کیلئے 37ہزار پودے مفت تقسیم کرنے کا ہدف مقرر کیا گیا ہے اسکے علاوہ وہاڑی شہر کیلئے چھ ہزار پودوں کو تحفہ بھی دیا جائے گا اس کیمپ میں گرین بورے والا موومنٹ کے چیف آرگنائزر سید سجاد حسین بخاری،چیئرمین چوہدری اصغر علی جاوید،سید زاہد حسین مشہدی،ضعیم الرشید ضیغم،حافظ جنید احمد،عدیل مختار ایڈووکیٹ،سجاد حیدر خاں سلدیرا،محمد آصف بٹ،محمد لطیف خلجی،عبدالرﺅف چوہدری،سید اظہر حسین گیلانی،صدر پریس کلب اصغر علی جاوید(کامریڈ)،اراکین پریس کلب و نمائندہ جیو نیوز ندیم مشتاق رامے،صدر الیکٹرانک میڈیا ندیم انجم سندھو،مسعود عابد رشید،محمد شیر خاں کھچی،سرفراز علی رانا،آئی وائی ڈبلیو کے کارکنان،گرین بورے والاموومنٹ کے والنٹیئرز نے بھی اپنی خدمات انجام دیں۔