میپکو کمپلکس میں عوام کی کھلی کچہری،ایکسئین میپکو نے کھلی کچہری میں صارفین کی شکایات کے ازالہ کیلئے موقع پر احکامات جاری کیے

بورے والا(چوہدری اصغر علی جاوید سے)میپکو کمپلکس میں عوام کی کھلی کچہری،ایکسئین میپکو نے کھلی کچہری میں صارفین کی شکایات کے ازالہ کیلئے موقع پر احکامات جاری کیے،میپکو ڈویژن بورے والا نے لائن لاسسز پر قابو پا کر 35فیڈرز کو لوڈشیڈنگ سے مستثنیٰ قرار دے دیا،آٹھ فیڈرز میں لوڈشیڈنگ کا دورانیہ صرف دوگھنٹے کر دیا گیا،لائن لاسسز میں کمی اور ریکوری میں اضافہ سے لوڈشیڈنگ کا خاتمہ،2ہزار سے زائد خراب میٹرز تبدیل،اووربلنگ کا کاتمہ،پرانے ٹرانسفارمرز کی اپ گریڈیشن سے وولٹیج میں کمی اور بجلی کی بار بار بندش پر قابو پا لیا گیا ایکسئین میپکو ساجد حسین گوندل کی میپکو افسران اور ہائیڈرو الیکٹرک لیبر یونین کے زونل چیئرمین شاہد باری چوہان کے ہمراہ میڈیا کو بریفنگ،تفصیلات کے مطابق ایکسئین میپکو ساجد حسین گوندل نے وفاقی وزیر پانی و بجلی سردار اویس احمد خاں لغاری اور چیف ایگزیکٹو میپکو انجنیئر چوہدری محمد اکرم کی ہدایت پر واپڈا صارفین کی شکایات کے ازالہ کے لیے میپکو کمپلکس میں کھلی کچہری لگائی جس میں صارفین نے مختلف نوعیت کی شکایات پیش کی جن پر موقع پر ہی احکامات جاری کیے گئے جبکہ بعدازاں ایکسئین میپکو ساجد حسین گوندل نے میڈیا سے گفتگو کرتے ہوئے کہا کہ تحصیل بورے والا میں کل 43فیڈرز موجود ہے جن میں سے35فیڈرز پر لوڈشیڈنگ مکمل طور پر ختم کر دی گئی ہے جبکہ آٹھ فیڈرز پر صرف 2گھنٹے کی لوڈشیڈنگ کی جارہی ہے لوڈشیڈنگ کے خاتمہ کی بنیادی وجہ یہ ہے کہ ان فیڈرز پر ریکوری میں اضافہ اور لائن لاسسز میں گذشتہ سال کے مقابلے میں کمی واقع ہوئی ہے پچھلے سال لائن لاسسز 18.3فیصد تھے جو کہ 2017میں کم ہو کر16.8فیصد پر آ گئے ہیں سال 2016میں 233ملین یونٹ بجلی استعمال ہوئی تھی 2017میں بڑھ کر 316ملین یونٹ پر چلی گئی ہے موجودہ مجموعی ریکوری 99.62ہے جن فیڈرز پر ابھی دو گھنٹے بجلی کی بندش ہوتی ہے ان میں سٹی 4،معصوم شاہ،مجاہد کالونی،سٹی5،سلدیرا،جملیرا،مدینہ کالونی اور خیر والا شامل ہیں انہوں نے کہا کہ سابقہ بلوں کے حوالے سے ابھی تک کوئی شکایات نہیں آئی اور جن میٹروں پر ڈیفکٹیو کوڈ لگے ہیں ان میں سے2ہزار میٹر گھریلو اور120میٹر زرعی میٹر تبدیل کر دئیے گئے ہیں اس کے علاوہ ساڑھے 4ہزار میٹر جن کی سکرین فوگ نظر آ رہی ہیں اُنکو جلد از جلد تبدیل کر دیا جائے گا 2016-17میں میپکو نے 120ٹرانسفرمرز کو اپ گریڈ کیا جن کی مالیت 3کروڑ 61لاکھ بنتی ہے جبکہ2017-18میں ابتک 19ٹرانسفارمرز تبدیل کیے جا چکے ہیں جن کی قیمت43لاکھ ہے انہوں نے مزید کہا کہ گگومنڈی میں نیا گریڈ اسٹیشن قائم کیا جائے گا جس پر آئندہ سال کام شروع ہو جائے گا اس موقع پر زونل چیئرمین میپکو ہائیڈرو الیکٹرک سنٹرل لیبر یونین شاہد باری چوہان،ایس ڈی اوز سید ساجد حسین شاہ،چوہدری رشید الرحمان،محمد منیر،ڈویژنل چیئرمین انور حسین بھٹی،جنرل سیکرٹری ساجد خورشید،مسلم لیگ(ن)کے سٹی صدر شاہد نواب خاں اور میڈیا کے نمائندے بھی موجود تھے۔