سپریم کورٹ کے فیصلہ سے موٹرسائیکل رکشہ بنانے والے ہزاروں خاندانوں پر بے روزگاری کی تلوار لٹک گئی

بورے والا(چوہدری اصغر علی جاوید سے)سپریم کورٹ کے فیصلہ سے موٹرسائیکل رکشہ بنانے والے ہزاروں خاندانوں پر بے روزگاری کی تلوار لٹک گئی،موٹرسائیکل رکشہ بنانے پر پابندی کے خلاف موٹرسائیکل رکشہ بنانے والوں کا ایم پی اے کے دفتر کے باہر احتجاجی مظاہرہ،قانونی تحفظ فراہم کرنے اور روزگار کی اجازت دینے کا مطالبہ،موٹرسائیکل رکشہ بنانے والی کمپنی نے عدالت سے یکطرفہ فیصلہ لے کر عدالت عظمی ٰسے حقائق چھپائے،موٹرسائیکل رکشہ ساز دوکانداروں کا موقف،ایم پی اے نے مسئلہ حکومت کے نوٹس میں لاکر حل کروانے کی یقین دہانی کروائی،تفصیلات کے مطابق موٹرسائیکل رکشہ یونین کے صدر رانا عبدالجبار کی زیر قیادت موٹرسائیکل رکشہ ڈرائیورز اور موٹرسائیکل رکشہ بنانے والے دوکانداروں نے سپریم کورٹ کی طرف سے موٹر سائیکل باننے پر پابندی عائد کیے جانے کے فیصلہ پر اپنے تحفظات کا اظہار کرتے ہوئے ایم پی اے چوہدری ارشاد احمد آرائیں کے دفتر کے باہر احتجاج کیا موٹرسائیکل رکشہ مالکان اور دوکانداروں نے موقف اختیار کیا کہ اس وقت ملک کے لاکھوں افراد کا روزگار موٹرسائیکل رکشہ سے منسلک ہے جبکہ یونائیٹڈ موٹرسائیکل کمپنی نے ملک میں اپنا تیار کردہ رکشہ فروخت کرنے کے لیے عدالت عظمیٰ میں متاثرہ افراد کو فریق بنائے بغیر اصل حقائق چھپاتے ہوئے عدالت سے یہ فیصلہ حاصل کر لیا کہ ملک بھر میں اُنکے علاوہ دیگر موٹرسائیکل رکشہ کی تیاری پر مکمل پابندی ہے اور ملک میں چلنے والے ایسے لاکھوں رکشے غیر قانونی ہیں جنہیں بند کروایا جائے عدالت عظمیٰ کے اس فیصلے سے ملک کے لاکھوں خاندان جن کا روزگار موٹرسائیکل رکشہ سے وابسطہ ہے اُن کے سروں پر بے روزگاری کی تلوار لٹک گئی ہے اور پنجاب ٹرانسپورٹ اتھارٹی نے سپریم کورٹ کے فیصلہ کی روشنی میں تمام موٹرسائیکل رکشہ ساز اداروں اور ورکشاپوں کو بند کرنے کے نوٹسسز جاری کر دئیے ہیں جو بنیادی انسانی حقوق کی خلاف ورزی ہے انہوں نے کہا کہ مارکیٹ میں تیار ہونے والے موٹرسائیکل رکشے نہ صرف لاکھوں خاندانوں کو روزگار فراہم کرتے ہیں بلکہ یہ رکشے بیرون ممالک درآمد کرکے ملک کو بھاری زرمبادلہ کما کر دے رہے ہیں انہیں قانونی شکل دینے کے لیے طریقہ کار واضع کیا جائے اس موقع پر ایم پی اے چوہدری ارشاد احمد آرائیں نے موٹرسائیکل رکشہ یونین اور مینو فیکچررز کو یقین دہانی کروائی کہ اُنکے کاروبار کو قانونی تحفظ فراہم کروانے کے لیے وہ حکومت سے بات کریں گے اور اُنکی قانونی و آئینی مدد بھی کریں گے اُن کی اس یقین دہانی پر رکشہ یونین نے اپنا احتجاج ختم کر دیا۔