ہمارے دین میں کہیں نفرت نہیں ہے اسلام تو محبت کا دین ہے ۔ قاسم علی شاہ

بورے والا(چوہدری اصغر علی جاوید سے)ملک کے معروف موٹی ویشنل سپیکر پروفیسر قاسم علی شاہ نے کہا ہے کہ ہمارے دین میں کہیں نفرت نہیں ہے اسلام تو محبت کا دین ہے ہم اپنے بچوں کو تعلیم تودلوارہے ہیں لیکن اچھی تربیت نہ دے کر دین اسلام سے دور کرتے جا رہے ہیں،بڑا آدمی بننے کے لیے دولت مندہونا ضروری نہیں ہے،دوسروںکے ساتھ بھلائی سے پیش آنا بڑے آدمی کی پہچان ہے،ان خیالات کا اظہار انہوں نے اسپائر گروپ آف کالجز بورے والا کیمپس کی جانب سے مقامی ہوٹل میں منعقدہ تقریب سے خطاب کرتے ہوئے کیا انہوں نے کہا کہ والدین کو چاہیے کہ وہ بچوں کی اچھی تربیت کا آغاز گھرسے کریں تاکہ وہ اپنے ملازمین اور دیگرافرادکے ساتھ مناسب رویے سے پیش آئیں اس موقع پر اسپائر گروپ آف کالجز کے ڈائریکٹر آپریشن شکیل احمد گجر نے اسپائر کے سٹودینٹس کی بہتر تربیت کی یقین دہانی کروائی طلباءطالبات اور ان کے والدین نے اسپائر کی خدمات کو سراہا چوہدری آصف ابراہیم نے اسپائر گروپ آف کالجز بورے والا کیمپس کے پرنسپل سید حماد گیلانی کی بہترین کارکردگی پر اُنکو نئی موٹرسائیکل تحفے میںدی تقریب کے اختتام پر طلباءو طالبات اور اُنکے والدین نے قاسم علی شاہ کے ساتھ سیلفیاں اور آٹو گراف لیئے بعدازاں پروفیسر قاسم علی شاہ نے اسپائر کالج کیمپس بورے والا کا دورہ کیا اور کالج کی چار ماہ میں شاندار کارکر دگی پر کالج کے پرنسپل سید حماد گیلانی اور سٹاف کو مبارک باد دی۔