چوروں کا پورا ٹبر جیل جانے کے خوف سے بیرون ملک فرار ہو گیا ہے ۔ خالد نثار ڈوگر
بورے والا(چوہدری اصغر علی جاوید سے)تحریک انصاف لائرز فورم جنوبی پنجاب کے جنرل سیکرٹری و امیدوار قومی اسمبلی حلقہ این اے 167سردار خالد نثار ڈوگر نے کہا ہے کہ چوروں کا پورا ٹبر جیل جانے کے خوف سے بیرون ملک فرار ہو گیا ہے،اسحاق ڈار شریف خاندان کیلئے کھربو ں کی کرپشن کرنے والا وہ طوطا ہے جس میں انکی جان ہے اس لئے اب وہ اسے واپس پاکستان کبھی نہیں بھیجیں گے،قومی دولت لوٹنے والے چوروں کی کرپشن اب مکمل طور پر بے نقاب ہو چکی ہے اگر ان میں ضمیر نام کی کوئی چیز باقی ہے تو وہ وطن واپس آکر نیب اور سانحہ ماڈل ٹاﺅن کے مقدمے کا سامنا کریں،چوروں کے فرار ہوتے ہی انکے درباریوں کی زبان بھی بند ہو چکی ہے،(ن)لیگ کی سیاست کا باب اب بند ہو چکا ہے،رائے ونڈ اینڈ کمپنی کے حواری اپنی جان بچانے کے لئے اب انہی کے خلاف سلطانی گواہ بننے کی تیاریاں کر رہے ہیں،ملک میں تبدیلی کا جو سورج طلوع ہوا ہے اسکی روشنی سے آئندہ آنیوالی نسلوں کا مستقبل روشن ہو گا عمران خان نے ایک طویل جدوجہد کے بعد چوروں اور لٹیروں کے چہرے بے نقاب کر کے ملکی استحکام کی بنیاد رکھ دی ہے اب ملکی اداروں کا کام ہے کہ وہ ثابت شدہ چوروں کو واپس لا کر ان سے قومی دولت لوٹنے کاحساب لیں،ان خیالات کا اظہار انہوں نے میڈیا سے گفتگو کرتے ہوئے کیا۔
About Author
