کپاس کی مناسب قیمت مقرر نہ ہونے اور جعلی زرعی ادویات نے کسان کو معاشی بدحالی میں مبتلا کر دیا ہے ۔ ملک ذوالفقار اعوان
بورے والا(چوہدری اصغر علی جاوید سے)پاکستان کسان اتحاد کے مرکزی کوآرڈینٹر و ضلعی صدر ملک ذوالفقار اعوان نے کہا ہے کہ کپاس کی مناسب قیمت مقرر نہ ہونے،غیر معیاری بیجوں اور جعلی زرعی ادویات نے کسان کو معاشی بدحالی میں مبتلا کر دیا ہے حکومتی وزراءاور ذمہ داران کے اصرار پر اس سال کسانوں نے دوبارہ کپاس کی کاشت شروع کی جس میں انہیں غیر معیاری بیج اور مارکیٹ میں فروخت ہونے والی جعلی زرعی ادویات کے استعمال نے شدید مالی مشکلات سے دوچار کر دیا ہے کپاس کی فصل پر حملہ آور ہونے والا سفید تھیلا ان جعلی ادویات سے ختم نہیں ہوتا بلکہ کپاس کی فصل ہی ختم ہو جاتی ہے جو کسان ان بھاری اخراجات کے بعد اپنی فصل مارکیٹ میں لے کر جاتے ہیں انہیں جو قیمت ملتی ہے اُس سے اخراجات بھی پورے نہیں ہوتے حکومت نے وعدہ کیا تھا کہ کپاس کی خریداری قیمت 3ہزار سے کم نہیں ہوتے حکومت نے وعدہ کیا تھا کہ کپاس کی خریداری قیمت 3ہزار سے کم نہیں ہو گی بلکہ اس کی قیمت مقرر نہیں کی کاٹن جنرز اور مڈل مین کے گٹھ جوڑ نے کسانوں کا خون نچھوڑنا شروع کر رکھا ہے جو کہ ناقابل برداشت ہوچکا ہے اس حکومتی پالیسی اور کپاس کے کاشت کاروں کو درپیش مشکلات کے خلاف30ستمبر بروز بدھ جنوبی پنجاب کے ہزاروں کاشتکار کمشنر آفس ملتان کا گھیراﺅں کریں گے کسانوں کو مذاکرات کے ذریعہ لولی پاپ دیکر بے و قوف بنانے کا سلسلہ اب ہو گا اور کسان حکومت کی ان زرعی پالیسیوں کے خلاف سڑکوں پر آئیں گے،ان خیالات کا اظہار انہوں نے اپنے دفتر میں کسان راہنماﺅں کے اجلاس سے خطاب کرتے ہوئے کیا اس موقع پر ندیم سجاد،محبوب خاں سلدیرا،محمد مہران،ماسٹر اشفاق احمد،ملک شاہد،محمد بوٹا،عباس سنگھیڑا،حق نواز بھٹی،میاں باہر کبوہ،محمد وقاص،چوہدری مشتاق اور شمشاد علی آف مرضی پورہ کے علاوہ دیگر کسان راہنما بھی موجود تھے۔
About Author
