سوشل میڈیا پر مسیحی بچے کی موت کو مذہبی رنگ دینے کی کوشش،پولیس نے اعلیٰ سطحی تحقیقات کا آغاز کر دیا
بورے والا(چوہدری اصغر علی جاوید سے)کھیل ہی کھیل میں دو طلباءکے جھگڑے میں ایک طالبعلم کی جان چلی گئی،سوشل میڈیا پر مسیحی بچے کی موت کو مذہبی رنگ دینے کی کوشش،پولیس نے بروقت کاروائی کرکے ملزم طالب علم کو گرفتار کرکے مقدمہ درج کر لیا،محکمہ تعلیم نے غفلت کے الزام میں سکول کے ہیڈ ماسٹر سمیت چار اساتذہ کو معطل کر دیا،معاملے کو عیسائی مسلم مذہبی منافرت بنانے کے لیے بعض بین الاقوامی میڈیا کے اداروں نے ہیجان برپا کر دیا،پولیس نے اعلیٰ سطحی تحقیقات کا آغاز کر دیا،تفصیلات کے مطابق30اگست کو گورنمنٹ ایم سی ماڈل ہائی سکول بورے والا میں نہم کلاس کے دو طلباءشہرون مسیح اور احمد رضا کے مابین کلاس انچارج کی عدم موجودگی میں کلاس روم سے باہر دوران کھیل جھگڑا ہو ا جس میں احمد رضا جو کہ کراٹے کا ماہر تھا اُس نے شہرون مسیح کے سینے پر پنچ دے مارا دوران جھگڑا ساتھی طلباءنے دونوں کو چھڑوانے کی کوشش بھی کی لیکن سینے میں پیچ لگنے سے شہرون زمین پر گر پڑا جسے سکول کے اساتذہ اور طلباءنے فوری طور پر تحصیل ہیڈ کوارٹر ہسپتال پہنچایا لیکن بدقسمتی سے شہرون راستے میں ہی دم توڑ گیا کلاس انچارج نے بتایا کہ وہ پریڈ ختم ہونے پر واش روم گیا تو اسی دوران بچوں نے کلاس سے باہر آکر کھیلنا شروع کر دیا اور کھیل کے دوران ہی یہ واقعہ پیش آ گیا دونوں طلباءکا نام ابھی داخل نہیں ہوا تھا اور دو روز قبل شہرون نے گھر آکر بتایا تھا کہ کلاس میں اُسے کچھ لڑکے تنگ کرتے ہیں شہرون کے و الد الیاسب کا کہنا تھا کہ اُس نے وقوعہ کے روز سکول جانے کا پروگرام بنایا تھا کہ کلاس میں جا کر پتا کروں کہ اُسکے بیٹے کو کون تنگ کرتا ہے لیکن وقوعہ پیش آ گیا جبکہ شہرون کے ساتھی کلاس فیلوز کے مطابق کلاس میں اُسکا کسی سے کوئی جھگڑا وغیرہ نہیں تھا یہ واقعہ اچانک ہی پیش آیا ہے اس واقعہ کے فوری بعد پولیس نے ملزم احمد رضا اور اُسکے نامعلوم ساتھی کے خلاف مقدمہ درج کر کے ملزم کو گرفتار کر لیا اور اس مقدمہ کی حساسیت کو دیکھتے ہوئے اسکی اعلیٰ سطحی انکوائری کی جا رہی ہے واقعہ کے بعد ڈی سی او وہاڑی علی اکبر بھٹی اور ڈی پی او وہاڑی عمر سعید ملک شہرون کے گھر گئے اور اُنکے والدین کو ہر ممکن انصاف فراہم کرنے کرنے کی یقین دہائی کروائی تاہم سوشل میڈیا پر بعض شرپسند عناصر کی جانب سے اس واقعہ کو غلط رنگ دیکر مذہبی منافرت پھیلانے کی منظم سازش کی جا رہی ہے اور حقائق کو مسخ کرنے کی کوشش ہو رہی ہے۔
About Author
